އަހަރެންގެ ކާފަގެ އުމުރަކީ 90 އަހަރެވެ. ކާފަޔާ ބައްދަލްވާ ކޮންމެ ފަހަރަކުވެސް އަހަރެން ހެއްވާލުމަކީ ކާފަ ވަރަށް ކުރާހިތްވާކަމެކެވެ.ކާފަ އަދި ކުރާ އެހެން ކަމެއް އޮވެއެވެ.އެއީ ކުއްލި ކުއްލިއަށް އެކި ސުވާލުތައް ކުރުމެވެ.

އެންމެ ފަހުން ކާފަޔާ ބައްދަލްވިރޭ ކުއްލިއަކަށް އެފަދަ ސުވާލެއް ކުރިއެވެ.“ދަރިފުޅު ގޭގަ ހުސްވާ ޕީނަޓްބަޓަރ ފުޅި ދޮވެ ރައްކާކުރަން ހެއްޔެވެ؟“
ކުއްލިއަކަށް ކާފަ ކުރިސުވާލަށް ބުނާނެ އެއްޗެއް ނޭގި އިނދެފަ އާ ގަންނަމުން ބުނީމެވެ.“ނޫން-ނޫނެކެވެ.“ އަހަރެން ދިން ޖަވާބުން ކާފަ މާބޮޑަށް ހައިރާންވިކަމަކަށް ނުފެނުނެވެ. ނުކުރާނެކަން އިނގެޔޭ ބުނާކަހަލަ ގޮތަކަށް އަހަރެންނާދިމާލަށް ބަލާލުމަށްފަހު ކައިރީގަ ހުރި އަލަމާރިއަކާ ދިމާލަށް ދެފައި ކާއްތަމުން މަޑުމަޑުން ހިނގާފަ ދިޔައެވެ.އަދި ވަރަށް ރީތިކޮން ދޮވެ ސާފު ކޮށްފައިވާ ޕީނަޓް ބަޓަރ ހުސްކުރި ފުޅިއެއް ނަގާ އަހަރެން އަތަށް ދިއްކޮށްލިއެވެ.އަދި ބުނެލިއެވެ. ”މީ ފޮރުވަން ވަރަށް ރަގަޅު ފުޅިއެކެވެ.“މިހެން ބުނެލިއިރު ހީވަނީ ވަރަށް މުހިންމު،އަގުބޮޑު މައުލޫމާތެއް އަހަރެންނަށް ދިން ހެނެވެ.
ފިކުރު ހިންގާލާއިރު ޕީނަޓް ބަޓަރ ހުސްކުރި ފުޅި ރައްކާކުރުމަކީ މިއަދު ކާފަގެ ހަޔާތުގައި އެހާ އިސްކަމެއް ދޭންޖެހޭވަރު ކަމެއް ނޫނެވެ. ކާފަ މިއަދު ވިސްނަން ޖެހިފައިވަނީ އެއަށް ވުރެ ބޮޑެތި ކަންކަމަށެވެ. ގަވާއިދުން ޑޮކްޓަރަށް ދައްކާ ބޭސްކަމުން ގެންދިއުމެވެ. އާތުރައިޓިސްގެ ސަބަބުން ހަށިގަނޑުގައި އަޅަމުންދާ ވޭންތަކެވެ. ފަހުވަގުތަށްވެސް ހެޔޮ ސިއްހަތެއްގައި ހުރެވޭތޯ ބެލުމެވެ.
ކާފަދިން ޕީނަޓް ބަޓަރ ހުސްކުރިފުޅި ހިފަހައްޓާލައިގެން އަހަރެން ހުރިއިރު ކުއްލިއަކަށް އަހަރެންނަށް ކަމުގެ ހަގީގަތް ވިސްނުނެވެ.މިފުޅި އަހަރެންނަށް ދިން ދިނުމަކީ ހަގީގަތުގައި ޕީނަޓް ބަޓަރ އާއި އެއްވެސް ގުޅުމެއް ހުރިކަމެއް ނޫނެވެ.
ފަހަކަށް އައިސް ކާފަ އަންނަނީ އެކިއެކި ޚާއްސަ ހަނދާނީ ކުދިކުދި ”ހަދިޔާ“ ތައް އަހަރެންނަށް ދެމުންނެވެ.މިގޮތުން އެތައް ގިނަ އަހަރެއް ވަންދެން ކާފަ ގެންގުޅުނު ޕޮކެޓް ވަޅިއެއް އަހަރެންނަށް ދިނެވެ.ކާފަޔާއި މާމަގެ ހަނީމޫންގައި ނަގާފައިވާ ފޮޓޯއެއް ދިނެވެ. ފޮޓޯ މިހާރުވަނީ ކުލަ ފަނޑުވެ ރީނދޫކުލަ އަށް އައިސްފައެވެ. އަދި މިހާރު މި ދިނީ މި ފުޅިއެވެ.
ކާފަ ސީދާ ނުބުނި ނަމަވެސް ކާފަ އެކުރާކަމެއް އަހަރެންނަށް ވިސްނިއްޖެއެވެ.އެކުރާކަމަކީ ކާފަ ނެތް ނުވަހަކުން ކާފަގެ މަތިން ހަންދާން ވާނެފަދަ ކުދިކުދި ހަދިޔާތައް ދެނީއެވެ.ކާފަގެ އަގުބޮޑު ފިލާވަޅުތައް، ހާއްސަކޮން ކާފަގެ ލޯބި، އަހަރެންގެ ހިތުގައި ދެމިހުންނާނެފަދަ އަމަލުތަކެކެވެ.
އެހެންވެ އެރޭ އަހަރެން ގެޔަށް އައީ އެފުޅި ހިފައިގެންނެވެ.ފުޅީގެ މާބޮޑުބޭނުމެއް ނެތް ނަމަވެސް އެވެ.އަދި ފުޅިގެންގޮސް ރައްކާކޮށްފައި ބޭއްވުމަށް އަހަރެން ނިންމީމެވެ.އެފުޅި ފެންނަ ކޮންމެ ފަހަރަކުވެސް ހަމަގައިމުވެސް ކާފަގެ މަތިން ހަނދާންވާނެއެވެ.ކާފަ އަހަރެން ހެއްވާލުމަށް ކުރާމަސައްކަތެވެ.ކާފަދޭ ބުއްދިވެރި ނަސޭހަތްތަކެވެ. އަދި އެންމެ ސިމްޕަލް (އާދައިގެ) ކަންކަމުގެ މާނަ ކާފަ ނަގާގޮތުގެ މަތިން އަހަރެން ހަނދާން ވާނެއެވެ.
ދިރިއުޅުމުގެ ކަންކަން ބާރުދުވެލީގައި ކުރިޔަށްދާއިރު އެންމެ މުހިންމު އާދައިގެ ކުދިކުދި ކަންތަކަށް އަހަރުމެންނަށް ސަމާލުކަން ދެވޭލެއް ވަރަށް ކުޑައެވެ.ނަމަވެސް ކާފަގެ ހުސްފުޅީގެ ސަބަބުން މިފަދަ ކުދިކުދި ކަންކަމަށް އިސްކަން ދިނުމަށް ހަނދާންވާނެއެވެ.އަދި އަހަރުމެން އެންމެ ލޯބިވާ މީހުންނާއި ގުޅުންހުރި ތަކެތީގެ މުހިންމުކަން އިހުސާސް ކުރުވާނެއެވެ.
ބައެއް ފަހަރު އެންމެ ބޮޑު އަސަރެއް އިންސާނާއަށް ކުރުވަނީ އެންމެ ކުދިކުދި ކަންތަކުންނެވެ.ކާފަ އެ ދިން މެސެޖަކީ އެއީ އެވެ.
މިއަދުން ފެށިގެން އަހަރެންވެސް ޕީނަޓް ބަޓަރ ހުސްވާ ފުޅިތައް ދޮވެ ރައްކާ ކުރުމަށް ނިންމީމެވެ.