އިޒްރޭލާއި ގުޅުން ދެމެހެއްޓުމަށް ކުރާ މަސައްކަތުގެ ސަބަބުން ފުރާނައަށް ނުރައްކާވެދާނެކަމަށް ގްބޫލުކުރައްވާކަމަށް ސައުދީ އަރަބިއާގެ ވަލީއަހުދު އަމީރު މުހައްމަދު ބިން ސަލްމާން އަލް ސަޢޫދު ވިދާޅުވެއްޖެއެވެ.
އެމެރިކާގެ ތިން މަސްދަރަކާއި ހަވާލާދީ ޕޮލިޓިކޯ ނިއުސް މީޑިއާއިން ބުދަ ދުވަހު ރިޕޯޓުކޮށްފައިވާގޮތުގައި، މުސްލިމްދުނިޔޭގައި އިޒްރޭލާއި އެއްކޮޅު ގައުމުތަކުގެ އެންމެ އިސް ސަފުގައި ސައުދީ އަރަބިއާ އޮވެ، ސައުދީ ތެލުގެ އާމްދަނީ އިންވެސްޓްކުރުމުގެ ވައުދިތަކާއެކު މުސްލިމް އެހެން ގައުމުތައް އިޒްރޭލުގެ ފަހަތަށް ގެނައުމަށް ގެންދަނީ މަސައްކަތްކުރަމުންނެވެ.
މީގެއިތުރުން، އިޒްރޭލުން ފަލަސްތީނުގައި ހިންގަމުންގެންދާ ގަތުލުއާންމު ކުށްވެރިކޮށް އަޑުއުފުލާ، ސައުދީގެ މަގުތަކުގައި މުޒާހަރާކުރުމުގެ ހައްގު ފާއިތުވެދިޔަ 10 މަސްދުވަހުގެ ތެރޭގައި ނިގުޅައިގަނެފައިވާއިރު، ޔަމަނުން އިޒްރޭލާއި، އިޒްރޭލުގެ މަސްލަހަތު އޮންނަ ގައުމުތަކުގެ ބޯޓުފަހަރު ރަތްކަނޑުން ހުރަސްކުރުމަށް ކުރަމުންދިޔަ ދަތިތަކުން ސަލާމަތްވުމަށްވެސް ސަލްމާންވަނީ އިޒްރޭލަށް އެހީތެރިވެދެއްވާފައެވެ.
ދެން މިހާރު ސަލްމާން އެވިދާޅުވަނީ، އެމެރިކާއާއި އިޒްރޭލުގެ މަސްލަހަތު ކުރިއެރުވުމަށްޓަކައި އޭނާ ކުރައްވާ މަސައްކަތުގެ ސަބަބުން، އޭނާގެ ފުރާނައަށް ކިހާ ބޮޑު ނުރައްކާތަކެއް ކުރިމަތިކުރުވާކަމެއް އެދެގައުމަށް ފަހުމްނުކުރެވޭކަމަށެވެ. އެގޮތުން، ސަލްމާން ވަނީ އިޒްރޭލާއެކު ގުޅުން ބަދަހިކުރުމުގެ ސަބަބުން 1981 ވަނަ އަހަރު ގަތުލުކުރެވުނު މިޞްރުގެ ރައީސް އަންވަރް ސަދާތް ހިމާޔަތްކުރުމަށްވެސް އެމެރިކާއިން ނުކުޅެދުނުކަން ފާހަގަކުރައްވާފައެވެ.
One Response
މާތްالله މިކަންއަވަސްކުރައްވާ އިޒްރާއީލާއި އިޒަރާއީލްގެ ބައިވެރިން ހަލާކު ކުރައްވާށި ޒަޔަނިސްޓުންގެ އަނިޔާއިން ފަލަސްތީނުގެ ނިކަމެތިރައްޔިތުން ސަލާމަތްކުރަށްވާށި އާމީން