ގުޅުން ބަދަހިކުރުމަށް ކުރާ މަސައްކަތުގެ ތެރެއިން ސީރިއާގެ ޚާރިޖީ
ވުޒާރާއާއި، ތުރުކީގެ ޚާރިޖީ ވުޒާރާއިން ހާލަތު ތަންދޭނަމަ،
ބައްދަލުކުރެވިދާނެކަމަށް، ތުރުކީގެ ޚާރިޖީ ވަޒީރު ޔާސިރު ގުލޭރު
ވިދާޅުވެއްޖެއެވެ.
2011 ވަނަ އަހަރުގެ ސީރިއާ ހަނގުރާމައަށްފަހު ތުރުކީއިން ސީރިއާއާއި
އޮންނަ ގުޅުންތައް ކަނޑާލުމަށްފަހު، އަލުން ގުޅުންތައް ބަދަހިކުރުމަށް
ނިންމުމަށްފަހު، ސީރިއާގެ ރައީސް ބަޝާރު އަލްއަސަދަށް ތުރުކީއަށް
ވަޑައިގަތުމަށް ދައުވަތު އަރުވާނެކަމަށް ތުރުކީގެ ރައީސް ރަޖަބް ތައްޔިބް
އުރުދު ވިދާޅުވެފައިވަނީ ނިމިދިޔަ ހަފްތާގައެވެ. އެހެންނަމަވެސް، އަސަދް
ވިދާލުވީ، އެފަދަ ވާހަކަތައް ދެކެވޭނީ އަވަށްޓެރި ގައުމުތަކުން
ކޮންމެހެން މަޝްވަރާކުރަންޖެހޭ މައުޟޫއުތަކަށް މަޝްވަރާކުރެވިގެން
ކަމަށެވެ. އޭގެތެރޭގައި، ސީރިއާގެ އުތުރުގެ ސަރަހައްދުތަކުގައި ތިބި
ތުރުކީ ސިފައިން އަނބުރާ ގެންދިޔުން ހިމެނޭކަމަށް އޭނާ ވިދާޅުވިއެވެ.
ސީރިއާގެ ވެރިޔާ އަސަދުގެ ވެރިކަން ވައްޓާލުމަށް ގަލްފުގެ އަރަބި
ގައުމުތަކުން ކުރި މަސައްކަތުގައި ތުރުކީއިން ވަނީ އެގައުމުތަކާއި
އެއްކޮޅަށް އަރައި ތަދުބީރީގޮތުން އަޅަން ނުޖެހޭ ފިޔަވަޅެއް އަޅާފައެވެ.
އަދި އެތައް އަހަރުތަކެފަހުން، ސީރިއާގެ އަވައްޓެރި ގައުމުތަކުން
ސީރިއާއާއި ގުޅުން ބަދަހިކުރުމަށް މަސައްކަތްކުރަމުންދަނީ
އެގައުމުތަކުގައި ތިބި ސީރިއާ ރެފިއުޖީން އަނބުރާ ގައުމަށް ފޮނުވާލުމުގެ
ބޭނުގައި ކަމަށް ގަބޫލުކުރެވެއެެވެ.
2 Responses
މިވެރީންގެ އަމިއްލަ އެދުމާއިހެދި ދެބަސްވުމާއި ތޯޅުމާއިހެދި މުސްލިމުން މިވަނީ ވަރަށް ދަށުޖައަކަށް ވެއްޓިފައެވެ. ދެން އަރައިގަންނަށް ގަރުނެއް ނަގާނެއެވެ. އެހެނީ ގިނަ ޢަރަބިވެރީން ތިބީ އެމެރިކާއާއި އިޒަރޭލުގެ އެނހީގައި އެމީހުންގެ ވެރިކަން ދަންމާންފޫގަޅާފައެވެ. ދެން ވާނެއެތި ފަލަސްތީނާއި އެހެން ދިމަދިމާލުން ފެންނަމުން އެދަނީއެވެ. ހާދަވާ ދެރައެވެ!
މުސްލިމުންނަ ކުރިމަތިވެ ފައިމިވާ މުސީބާތަކީ މުސްލިމުންގެ ފަގުޑި އަޅައިގެން ތިބި މުސްލިމްގައުމުތަކުގެ ވެރިންގެ ފަރާތުން ކުރިމަތިވެ ގެންއުޅޭ މުސީބާތެއް