އިރާނުން އެ ގައުމުގެ ”ސިޔާދަތާއި، ސަލާމަތީ ރައްކާތެރިކަމާއި، ގައުމުގެ
އަބުރު“ ހިމާޔަތްކޮށް ރައްކާތެރިކުރުމަށް ޗައިނާއިން ފުރިހަމަ އަށް
ތާއީދުކުރާކަމަށް ޗައިނާގެ ޚާރިޖީ ވަޒީރު ވަންގް ޔީ ވިދާޅުވެއްޖެއެވެ.

ޗައިނާގެ ޚާރިޖީ ވުޒާރާއިން ނެރުނު ބަޔާނެއްގައި ބުނެފައިވަނީ، ޚާރިޖީ
ވަޒީރު މިހެން ވިދޅުވެފައިވަނީ އިރާނުގެ ވަގުތީ ޚާރިޖީ ވަޒީރާއި ފޯނުން
މުޚާތަބުކުރައްވަމުންކަމަށެވެ.

މި ފޯނުކޯލުގައި، ވަންގް ޔީ ވަނީ، ޖުލައި 31 ވަނަ ދުވަހު އިރާނުގެ
ވެރިރަށް ތެހްރާންގައި، ފަލަސްތީނުގެ މުޖާހިދުންގެ ޖަމިއްޔާއެއްކަމަށްވާ،
ޙަމާސްގެ ރޫހާނީ ލީޑަރު އިސްމާޢީލް ހަނިއްޔޭއާއި އާއިލާ ޝަހީދުކޮށްލުން
ކުށްވެރިކޮށް ވާހަކަދައްކަވާފައެވެ. އެގޮތުން، އެހަމަލާއަކީ، އިރާނުގެ
ސިޔާދަތަށް ދެވުނު ހަމަލާއެއްކަމަށާއި، ސަރަހައްދީ ހަމަޖެހުމަށް އޮތް
ނުރައްކާ އެހަމަލާގެ ސަބަބުން ބޮޑުވެގެން ހިނގައްޖެކަމަށެވެ.

އިރާނަކީ މެދުއިރުމަތީގައި އޮތް އެންމެ ބަލައިގަނެވޭ، އިތުބާރުހިފޭ
ތަދުބީރީ ބައިވެރިޔާކަން ޗައިނާއިން ފާހަގަކޮށްފައިވާއިރު،
ރަޝިއާއިންވެސް އެފަދަ ޖަޒުބާތުތަކެއް ވަނީ ފާޅުކޮށްފައެވެ. އަދި
އިރާނަކީ، އެމެރިކާއާއި އިޒްރޭލުގެ ނުފޫޒުން އެއްކިބާވެ، ޒަމާނުއްސުރެ
އަމިއްލަ އަސްކަރީ ލަނޑުދަނޑިތަކެއް ގެންގުޅޭ ހަމައެކަނި މުސްލިމް
ގައުމުކަން ފާހަގަކުރެވެއެވެ.