ޚަބަރުތައް ބުނާގޮތުގައި ޔޫކުރެއިންގެ ކީވް ސިޓީގެ ވީރާނާ ކޮށްލާފައިވާ އިރުމަތީ ޑޮންބަސްގެ މަރިންކާ ޔޫކްރެއިނަށް ގެއްލިއްޖެކަމަށާއި އެސަރަޙައްދުން ޔޫކްރެއިންގެ ސިފައިން އެއްކޮށް ފައިބައިގެން ހިނގައްޖެއެވެ.
މިއީ މޭ މަހުގެ ފަހުން ޔޫކްރެއިނަށް ގެއްލުނު ފުރަތަމަ ބޮޑު ޝަހަރެވެ. ޔޫކްރެއިންގެ ބައެއް މިލިޓްރީ އޮފިޝަލުން މިދިޔަ އަންގާރަ ދުވަހުވެސް ބުނެފައިވަނީ އެ ޝަހަރު އޮތީ ޔޫކްރެއިން ސިފައިންގެ ބާރުގެ ދަށުގައި ކަމަށެވެ.
އެހެންނަމަވެސް އެ ޝަހަރު އެއްކޮށް ގެއްލިއްޖެ ކަމަށް އެ ގައުމުގެ އެންމެ ސީނިއަރ ކޮމާންޑަރ ޖެނެރަލް ވަލޭރީ ޒަލުޒްނީ ވަނީ ކަށަވަރ ުކޮށްދީފައެވެ.ޖެނެރަލް ވިދާޅުވެފައިވަނީ މެރިންކާ ޝަހަރުން ސިފައިން ފައިބައި ޝަހަރުގެ ރަށްބޭރަށް ހިނގައްޖެކަމަށް އެއްބަސް ނުވެ ކުރެވޭނެ ކަމަށް ނެތެވެ.
މިއީ ހަނގުރާމައިގެ ހާލަތް ކަމަށެވެ. ކާމިޔާބީއާއި ނާކާމިޔާބީއަކީ ކުރިމަތިލާން ޖެހޭނެ ޙަގީގަތެކެވެ. ކްރެމްލިން އިންވެސް ކަށަވަރުކޮށް ދީފައިވަނީ ޑިސެމްބަރު މަހުގެ 25 ވަނަ ދުވަހު އެ ޝަހަރު އެއްކޮށް ފަތަޙަ ކޮށްފައިވާ ކަމަށެވެ.
މީގެކުރިން މޭ މަހުގެ ތެރޭގައި ވެގްނަރ މާސެނަރީ ހަނގުރާމަވެރިން ވަނީ ބަޚްމޫތު ރަޝިޔާއަށް ހޯދާދީފައެވެ. ޑޮނެސްކުގައި ތިބި ރަޝިޔާއަށް ވަފާތެރި ހަނގުރާމަވެރިން ގެންދަނީ މި ނަސްރު ފާހަގަކޮށް އުފާ ފާޅުކުރަމުންނެވެ.
މުޙައްލިލުން ދެކޭގޮތުގައި ރަޝިޔާއަށް މިލިބުނު ނަސްރާއެކު ނޭޓޯއިންވެސް ޔޫކްރެއިނަށް އިތުރު އެހީތެރިކަން ފޯރުކޮށް ދިނުމަށް ފޫހިވެފައި ވާއިރުޔޫކްރެއިންގެ މުހިންމު ލަޝްކަރު ތަކަށް އަމާޒުކޮށް ރަޝިޔާއިން ޙަމަލާދިނުމުގެ އިތުރު ފުރުސަތު ހުޅުވިގެންދާނެއެވެ.
މިހާރުވެސް ރަޝިޔާއިން ގެންދަނީ ޔޫކްރެއިން ސިފައިންނާ ދެކޮޅަށް ކެމިކަލް ވެޕަންސް ކޮންވެންޝަނާ ޚިލާފަށް ސީ. އެސް. ގޭހުން ފުރާފާހުރި ކޭ-51 ގެ ގްރެނޭޑް ބޭނުން ކުރަމުންކަމުގައި ވެއެވެ.
ޖެނެރަލް ޒަލުޒްނީ ގަބޫލުފުޅު ކުރައްވާފައިވާ ގޮތުގައި ޔޫކްރެއިންއާއި ރަޝިޔާގެ ހަނގުރާމަ މިހާރު އޮތީ އެއްވެސް ބަޔަކަށް ބޭނުންވާ ކާމިޔާބުނުވެ ނިންމާލަން ޖެހިފައެވެ.
ނިއުޔޯކް ޓައިމްސް އިން ރިޕޯރޓް ކޮށްފައިވާގޮތުގައި ރަޝިޔާއިން މިހަނގުރާމަ ކާމިޔާބު ކުރުމުގެ ފުރުސަތު ތަންމިނަށް ހުޅުވިފައި އޮތުމާއިއެކުވެސް ސުލްޙައިގެ ވާހަކަތަކަށް އިސްކަން ދޭނެކަމަށް ރަޝީޔާއިން ވަނީ ބުނެފައެވެ. ނަމަވެސް ޒެލެންސްކީ ގެއްލެން ޖެހޭނެކަމަށެވެ.
One Response
ރަޝިޔާ ގެ ޙިކްމަތެރިކަން ވަރަށްބޮޑުކަމަށް ފެނެއެވެ. އެހެނީ ޕޫޓިންގެ މަގުސަދެއް އެބައޮތެވެ. ފަނާކޮށްލުމުގެ ވިސްނުމެއް ނެތެވެ. އެހެނީ ބަލިވާެހނެ ހީވަންޏާއި މޮޅުވާފަރާތް އިތުރު ވަހަކަތަކެއް ދައްކާކަށް ބޭނުމެއް ނުވެއެވެ. އޭގެ މިސާލެއް ޒައަނިސްޓް ކްރިމިނަލް ނަތަންޔާހޫ.