ބޮލީވުޑްގައި ފިޔަޖަހަމުން އަންނަ ބަތަލާ އަނަންޔާ ޕާންޑޭ 25އ އޭނާގެ ލޯބީގެ ވާހަކަތައް ސޯޝަލް މީޑިއާގައި ދުވަހަކުވެސް ނުދައްކާނެ ކަމަށް ބުނެފިއެވެ.
ބަތަލާ އަނަންޔާ ލޯބީގެ ގޮތުން ގުޅިގެން އުޅެނީ ބޮލީވުޑްގެ އެކްޓަރު އަދިތްޔާ ރޯއީ ޗޯޕްރާ 38އ އާއެވެ.
ލޯބީގެ ވާހަކަތައް ސޯޝަލް މީޑިއާގައި ދުވަހަކުވެސް ނުދައްކާނެ ކަމަށް އަނަންޔާ ބުނެފައި ވަނީ ދާދި ފަހުން އިންޑިއާ ޓުޑޭއަށް ދިން އިންޓަވިއުއެއްގައެވެ.
އެގޮތުން ޑޭޓިން އެޕްލިކޭޝަންތަކުގައި އަދި ސޯޝަލް މީޑިއާގައި ލޯބީގެ ގުޅުންތަކުގެ ވާހަކަތައް ނުދައްކާނެ ކަމަށް އަނަންޔާ ވަނީ ބުނެފައެވެ.
ހަމަ އެހެންމެ އޭނާއަކީ ހަމައެކަނި ސޯޝަލް މީޑިއާއަށްޓަކައި ތަފާތު ރިލޭޝަންޝިޕް ސްޓޭޓަސްއެއް އޮތް ކަމަށް ދައްކާނެ މީހެއް ނޫން ކަމަށްވެސް އަނަންޔާ ވަނީ ބުނެފައެވެ.
މީހުން ސްޓޯކް ކުރުމުގެ ބޭނުމުގައި ފޭކް އިންސްޓަގްރާމް އެކައުންޓެއް އުފެއްދުމާ ބެހޭ ގޮތުން ސުވާލު ކުރުމުން އަނަންޔާ ބުނީ އެކަމަށް އޭނާގެ އަމިއްލަ އިންސްޓަގްރާމް އެކައުންޓެއް އެބައޮތް ކަމަށެވެ.
މީގެ އިތުރުން މީހުން ސްޓޯކް ކުރަން ސޯޝަލް މީޑިއާގައި ފޭކް އެކައުންޓެއް ބޭނުން ނުވާނެ ކަމަށާއި އޭނާއަކީވެސް އޮންލައިންކޮށް މީހުން ސްޓޯކް ކުރުމަށް ފިންސްޓާ ނުވަތަ ފޭކް އިންސްޓަގްރާމް އެކައުންޓެއް އޮންނަ މީހެއް ނޫން ކަމަށް އަނަންޔާ ބުނެފައި ވެއެވެ.
އަނަންޔާ ފަހުގެ ފިލްމީ މަސައްކަތްތަކަށް ބަލާލާއިރު އަންނަޔާ ފެނިގެންދާ ”ހޯ ގަޔޭ ހަމް ކަހާން“ ވަނީ މި މަހުގެ 26 ވަނަ ދުވަހު ނެޓް ފްލިކްސްގައި ރިލީޒްކޮށްފައެވެ.
