އިންތިޚާބީ ރައީސް ޑރ.މުޙައްމަދު މުޢިއްޒު މާދަމާ ހަވީރު ހުޅުމާލެ ފުރަތަމަ ފިޔަވަހީގައި ދިރިއުޅޭ ރައްޔިތުންނާ ބައްދަލު ކުރައްވާ ގޮތަށް ހަމަޖެހިއްޖެއެވެ.
ޕްރޮގްރެސިވް ކޮންގްރެސް ކޯލިޝަނުން ބުނީ މި ބައްދަލުވުން އޮންނާނީ މާދަމާ ހަވީރު 16:00 ގައި ހުޅުމާލެ ސެންޓްރަލް ޕާކުގައި ކަމަށެވެ. މި ބައްދަލުވުމުގައި ހުޅުމާލެ ފުރަތަމަ ފިޔަވަހީގައި ދިރިއުޅޭ ވީހާވެސް ގިނަ ރައްޔިތުން ބައިވެރިވުމަށް ކޯލިޝަނުން ވަނީ އެދިފައެވެ.
ޑރ.މުޢިއްޒާއި އިންތިޚާބީ ނައިބު ރައީސް ޙުސައިން މުޙައްމަދު ލަޠީފް ވަނީ މި މަހުގެ 20 ވަނަ ދުވަހު ހުޅުމާލެ ދެވަނަ ފިޔަވަހީގައި ދިރިއުޅޭ ރައްޔިތުންނާ ވެސް ބައްދަލުކުރައްވައިފައެވެ. އެ ބައްދަލުވުމުގައި މުޢިއްޒު ވަނީ ރިޔާސީ އިންތިޚާބުގައި ދެވަނަ ފިޔަވަހީގެ ރައްޔިތުން ދިން ތާއީދަށް ޝުކުރު އަދާކުރައްވައިފައެވެ.
މުޢިއްޒު ވަނީ ރިޔާސީ އިންތިޚާބުގައި އެ ސަރަހައްދުގެ ރައްޔިތުންނަށް ވެވަޑައިގެންނެވި ވައުދުތައް ފުއްދަވާނެ ކަމުގެ ޔަގީންކަން ވެސް ދެއްވައިފައެވެ.
