ދިވެހި ރާއްޖޭގެ ގައުމީ ޔުނިވާސިޓީ (އެމްއެންޔޫ)ގެ ކޯސްތަކަށް ވަނުމުގެ ފުރުސަތު އެ ޔުނިވާސިޓީން ހުޅުވާލައިފިއެވެ.

އެމްއެންޔޫއިން ހުޅުވާލާފައިވަނީ އެ ޔުނިވާސިޓީން އަންނަ އަހަރުގެ ފެބްރުއަރީ މަހު ފަށާ ކޯސްތަކަށް ކުރިމަތިލުމުގެ ފުރުސަތުއެވެ.

އެމްއެންޔޫއިން ބުނީ އެ ޔުނިވާސިޓީގެ ކޯސްތަކުގައި ބައިވެރިވުމުގެ ފުރުސަތު މިއަދު ހެނދުނު 8:00 އިން ފެށިގެން  އަންނަ އަހަރުގެ  ޖަނަވަރީ 27ގެ ނިޔަލަށްހުޅުވާލާފައިވާނެކަމަށެވެ.

އެޔުނިވާސިޓީން ބުނީ މިފަހަރު އެ ޔުނިވާސިޓީއަށް އެޕްލިކޭޝަން ހުށަހެޅުމުގައި ވަރަށް ގިނަ ލުއި ތަކެއް ދީފައި ވާނެ ކަމަށެވެ.

އެގޮތުން ސެޓްފިކެޓް އެޓެސްޓް ނުކޮށްވެސް އެޕްލިކޭޝަން ބަލައިގަންނާނެއެވެ. އަދި މިފަހަރު އޭލެވެލް ހަދާ ދަރިވަރުންނަށް ފައިނަލް ނަތީޖާ ނުލިބުނު ނަމަވެސް އޭއެސް ލެވެލްގެ ސެޓްފިކެޓާ އެކު ކޮންޑިޝަނަލް އޮފާއާ އެކު ޖާގަ ކަށަވަރުވާނެ ކަމަށް އެމްއެންޔޫއިން ބުންޏެވެ.

އެމްއެންޔޫގެ ކޯސްތަކަށް އެދި ހުށަހަޅަން ޖެހެނީ އެ ޔުނިވާސިޓީގެ އޮންލައިން ޕޯޓަލް portal.mnu.edu.mv
މެދުވެރިކޮށެވެ.

އެމްއެންޔޫއިން ބުނީ އެ ޔުނިވާސީގެ ކޯސްތަކާ ބެހޭ މައުލޫމާތު އެ ޔުނިވާސިޓީގެ

https://courses.mnu.edu.mv/ އިން ލިބެން ހުންނާނެ ކަމަށެވެ.