މާލޭ ރަސްމީފާލަން ކައިރިން ބޭރުތޮށިގަނޑުގެ މަތީގައި މަސް ބާނަން ހުރި މީހަކު އެ މޫދަށް ވެއްޓި މަރުވެއްޖެ އެވެ.
ފުލުހުން ބުނީ އިއްޒުއްދީން ފާލަމާއި ދިމާލުން ބޭރު ތޮށި މަތީގައި މަސްބާނަން ހުރި މީހަކު މިއަދު ހެނދުނު އައި ކޮޅިގަނޑުގެ ތެރޭގައި މޫދަށް ވެއްޓިގެން އުޅޭ ކަމުގެ މައުލޫމާތު ހެނދުނު 6:00 ޖެހި އިރު ފުލުހަށް ރިޕޯޓް ކުރި ކަމަށެވެ.
ފުލުހުން ބުނީ މިހާދިސާގައި މަރުވެފައި ވަނީ އުމުރުން 59 އަހަރުގެ ދިވެހި ފިހިހެނެއްކަމަށެވެ.
އެމީހާ މޫދުން ނަގައިގެން އައިޖީއެމްއެޗަށް ގެންދިޔައިރުވެސް މަރުވެފައިވާކަމަށް ހޮށްޕިޓަލާއި ހަވާލާދީ ފުލުހުން ބުނެއެވެ.
ރާއްޖެއަށް މިހާރުކުރަމުންދާ ވިއްސާރައިގައި ކަނޑުގަދަވެ ވައިގަދަވާނެތީ އެންމެހާ ފަރާތްތަކުން އެކަމަށް ސަމާލުކަންދިނުމަށް ކަމާބެހޭ ފަރާތްތަކުން ދަނީ ގޮވާލަމުންނެވެ.
