ކޯވިޑް-19ގެ ބަލިމަޑުކަމުގެ މިހާލަތުގައި ގިނަ ކަންބޮޑުވުންތަކެއް ހުރުމާއެކު އެކަންކަމާގުޅޭ މާއުލޫމާތު ސާފުކޮށްދިނުމަށް އެދި މަޖިލީހުން ހެލްތު މިނިސްޓަރުގެ އަރިހުން އެދިވަޑައިގެންފިއެވެ.
ހެލްތުމިނިސްޓަރުގެ އަރިހުން މައުލޫމާތު ސާފްކުރެއްވުމަށް ހުށަހަޅުއްވާފައިވަނީ މައްޗަންގޯޅި ދެކުނު ދާއިރާގެ މެމްބަރު އަހްމަދު ހައިތަމެވެ.
ހައިތަމް ހުށަހެޅުއްވި ވަޒީރުންނާ ސުވާލުކުރުމުގެ ނޯޓިސްގައި އޭނާވަނީ ގިނަ ސުވާލުތަކެއް މިނިސްޓަރު ނަސީމްއާ ކުރައްވާފައެވެ.
ހައިތަމް ވަނީ މިބަލީގައި 23 ދުވަހުގެތެރޭގައި 50އަށްވުރެމީހުން ނިޔާވެފައިވާތީ އާއި ގިނަ އަދަދެއްގެ ބަޔަކު ކޮވިޑް-19 ބަލި ޖެހިފައިވާތީ އެކަމާ ކަންބޮޑުވުން ފާޅުކޮށް ސުވާލުތައް ކުރައްވާފައެވެ.
އެގޮތުން ކޮވިޑް މިހާ ހަލުވިކޮށް ފެތުރެމުންދާތީ މި ބައްޔަށް ފަރުވާދެވޭނެ ކިތައް ހެލްތް ޕްރޮފެޝަނަލުން ތިބި ތޯއާއި ބަލިމީހުންނަށް ހުރި އެދުގެ ތަފްސީލް އާއި ކޮވިޑް ބަލީގައި ފަރުވާދޭނެ ބޭނުންކުރާ އާލާތްތަކުގެ ތަފްސީލް ހޯދުމަށްވެސް ހައިތަމްވަނީ އެދިވަޑައިގެންފައެވެ.
އަދި މިސުވާލުތަކުގެ ޖަވާބު ލިޔުން ދެއްވުމަށް ހެލްތު މިނިސްޓަރަށް އަހްމަދު ނަސީމަށް އަންގަވާފައެވެ.
– 50 deaths in a month.
– 19,669 active cases.
– 230 Hospitalized.I want to clarify the stats of
– No. of Active medical professionals
– No. of beds left
– No. of ventilators, & Qty of oxygen, med supplies.Submitted to question Min. @KerafaNaseem pic.twitter.com/QbZr4YBQEU
— Haitham Ahmed (@ahmhaitham) May 23, 2021
ކޮވިޑް-19އާއި ގުޅިގެން ރައްޖޭގެ ހާލަތު ގޯސްވަމުންދާތީ ރައްކާތެރިކަމުގެ އިތުރު ފިޔަވަޅުތައް އެޅުމަށް ސަރުކާރުން މިހާރުވަނީ ނިންމަވާފައެވެ.
މިހާރުވެސް މާލޭގެ އިތުރުން އަތޮޅުތެރޭގައި ކާފިއުގެ ގަޑިތއް ކަނޑައަޅާ އަންނަނީ ތަންފީޒުކުރަމުންނެވެ. އަދި 70 ރަށް އޮތީ އަރައިފޭބުން މަނާކޮށްފައެވެ.
މިވަގު ރާއްޖޭގައި ކޮވިޑް-19 ބަލި ތަހައްމަލުކުރަމުންދާ 66919 އަށް ވުރެ ގިނަ މީހުން އެބަތިއްބެވެ.
