ރާއްޖޭގެ މަޝްހޫރު ދީނީ އިލްމުވެރިޔާ އަދި ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީގެ އިލްމުވެރިންގެ މަޖިލީހުގެ ނާއިބު ރައީސް ޑރ އިޔާޒް އަކީ މުނާފިގެއްކަމަށް ބުނެ އޭނާ ހައްޔަރުކުރަން އެމްޑީޕީގެ ޕާލަމެންޓްރީ ގުރޫޕު ލީޑަރު މެދުހެންވޭރު ދާއިރާގެ މެމްބަރު އަލީ އާޒިމް ގޮވާލައްވައިފިއެވެ.

އިޔާޒް ކުރެއްވި ޓްވީޓެއް ރީޓްވީޓް ކުރައްވަމުން އިޔާޒް އަށް ނިސްބަތްކޮށް އާޒިމް ވިދާޅުވީ އެއީ ދިވެހި މުޖުތަމަމައުގެ އިތުރުން އިސްލާމީ އުއްމަތް ބައިބައި ކުރަން މަސައްކަތްކުރައްވާ ފަރާތެއްކަމަށެވެ.

“ ދިވެހި މުޖުތަމައުގެ އިތުރުން އިސްލާމީ އުއްމަތް ބައިބައި ކުރަން މަސައްކަތްކުރާ މިފަދަ މުނާފިގުން ހައްޔަރުކޮށް އެކަހެރިކުރަން ގޮވާލަން. މީނާ ދޫކޮށްފަ ބަހައްޓައިފިނަމަ އަންހެންދަރިން މަރާލަންވެސް ގޮވާލަފާނެ“ އިޔާޒަށް ނިސްބަތްކުރައްވާ އާޒިމް ކުރެއްވި ޓްވީޓްގައި ވިދާޅުވެފައިވެއެވެ.

Dhivehi mujthama’u ge ithurun islamee ummaiy bai bai kuran masaiykaiy kuraa mifadha munaafigun hayyaru koh ekaheri kuran govaalan. Meenaa dhookoh fa bahattaifinama anhen dharin maran ves govaalafaane. @PoliceMv https://t.co/1NVMdBB3uA

— 𝐀𝐥𝐢 𝐀𝐳𝐢𝐦 (@aliaazim) March 5, 2021

އާޒިމްގެ މި ޓްވީޓާއި ގުޅިގެން އޭނާ އާ ދެކޮޅަށް ގިނަ އަދަދެއްގެ މީހުންދަނީ ނުރުހުން ފާޅުކުރުރަމުންނެވެ. އޭގެ ތެރެއިން ޖުމްހޫރީ ޕާޓީގެ ޒުވާނުންގެ ގޮފީގެ ކުރީގެ ރައީސް، އަދި ގާނޫނީ ވަކީލު މޫސާ އަންވަރު ވިދާޅުވީ އާޒިމްގެ ވިސްނުން ހުދުމުހުތާރު ކަމަށާ ހިޔާލު ފާޅުކުރުމުގެ މިނިވަންކަމަށް ހުރަސް ނޭޅުމަށެވެ. އަދި ގާނޫނު އަސާސީގެ 27 ވަނަ މާއްދާ ފެންނަނީ ހަމައެކަނި އިދިކޮޅުގަ ތިއްބެވި އިރުގަތޯ ވެސް މޫސަވަނީ ސުވާލުކޮށްފައެވެ.

އާޒިމްގެ ޓްވީޓަށް ކޮމެންޓް ކުރި ގިނަ މީހުންވަނީ އޭނާ އަކީ އިސްލާމް ދިނާ ދެކޮޅަށް މަސައްކަތް ކުރައްވާ ފަރާތެއްކަމަށް ތުހުމަތުކޮށްފައެވެ.

ކޮވިޑް -19ގެ ބަލި ޖެހޭމީހުންގެ އަދަދު ގިނަވުމާއި ގުޅިގެން މި ބަލި ކޮންޓްރޯލް ކުރުމަށް މިސްކިތްތަކުގައި ގައިދުރުކޮށް ނަމާދުކުރަން ސަރުކާރުން ހަމަޖެއްސުމާއި ގުޅިގެން ޑރ. އިޔާޒު އަންނަނީ ފާޅުގައި އެ ނިންމުމާ ދެކޮޅަށް ވަހަކަފުޅު ދައްކަވަމުންނެވެ.

އިޔާޒުގެ މި ވާހަކަފުޅުތަކާ ގުޅިގެން އޭނާގައުމީ ޔުނިވާސިޓީގައި އަދާ ކުރަމުންދާ ވަޒީފާއިން ވަނީ 14 ދުވަހުގެ މުއްދަތަކަށް ސަސްޕެންޑް ކޮށްފައެވެ.

އިޔާޒަކީ ގައުމީ ޔުނިވާސިޓީގެ ފެކަލްޓީ އޮފް ޝަރީއާ އެންޑް ލޯ ގެ ސީނިއާ ލެކްޗަރާ އެކެވެ.

އޭނާ ސަސްޕެންޑް ކުރުމާއި ގުޅިގެން  އަދާލަތު ޕާޓީ އާއި އަދި ރާއްޖޭގެ މަޝްހޫރު ބައެއް ދީނީ އިލްމުވެރިން އަންނަނީ އެކަމާ ކަންބޮޑުވުން ފާޅުކޮށް އިޔާޒަށް ހިތްވަރު ދެމުންނެވެ.

އެގޮތުން އަދާލަތު ޕާޓީގެ އިލްމުވެރިންގެ މަޖިލީހުގެ ރައީސް އަދި މަޝްހޫރު ދީނީ އިލްމުވެރިޔާ ޝައިޚް އިލްޔާސް ހުސައިން ކުރެއްވި ޓްވީޓެއްގައި ވިދާޅުވީ އިޔާޒަކީ ލާދީނީ ވެރިން އެންމެ ޖެހިލުންވާ ދީނީ އިލްމުވެރިޔާ ކަމަށެވެ.

ޖެހިލުމެއް ނެތި މާޒީގެ ވެރިންނަށް ދެއްވާ ރައްދަށް ކެތް ނުކުރެވުނު ކަމަށާ އިޔާޒާމެދު ނާއިންސާފުން އަޅާ ފިޔަވަޅަކީ ތަހައްމަލު ކުރާނެ ކަމެއް ނޫން ކަމަށްވެސް އިލްޔާސް ވިދާޅުވެފައިވެއެވެ.

AP ge ilmuveringe majilyhuge Naibu Raees @dr_iyaz akee laadheenee verin enme jehilunvaa dheenee ilmuveriyaa. Jehilumeh nethi maazeege verinnah dhevvaa radhdhah ebeyfulhunnah keiy nukurevenee. Dr.Iyaz aa medhu naainsaafun alhā fiyavalhaky alhugandumen thahammalu kurāne kameh noon.

— Ilyas Hussain (@shkilyas) March 5, 2021