ރާއްޖެއިން ކޯވިޑް19 އަށް އިތުރު 116 މީހަކު ފައްސިވެއްޖެއެވެ.
އިއްޔެ ފެނުނު ކޭސްތަކުގެ ތެރެއިން 3 މީހަކު ފައްސިވެފައިވަނީ މީހުން ދިރިއުޅޭ ރަށަކުންނެވެ. އަދި ރިސޯޓްތަކުން 4 މީހަކާއި ސަފާރީ އަކުން މީހަކު ވަނީ ފައްސިވެފައެވެ. އަނެއް 108 ކޭސް ފެނިފައިވަނީ މާލެ ސަރަހައްދުންނެވެ.
އިއްޔެގެ ރެކޯޑްތަކާއި އެކު ފައްސިވީ މީހުންގެ ޖުމްލަ އަދަދު މިހާރުވަނީ 18,340އަށް ވަނީ އަރައިފައެވެ. އޭގެ ތެރޭގައި، 2,412 އެކްޓިވް ކޭސް ހިމެނޭއިރު، 168 ފަރާތަކަށް ދަނީ އެޑްމިޓް ކޮށްގެން ފަރުވާ ދެމުންނެވެ .
މިއާއެކު ރާއްޖެ އިން މި ބަލީގައި ނިޔާވި މީހުންގެ އަދަދުތައް ވަނީ 58 އަކަށް ވަނީ އަރާފައެވެ. އަދި މިހާތަނަށް 15،863މީހަކު ވަނީ މިބަލިން ރަނގަޅުވެފައެވެ.
