އަހަރެންގެ ނަމަކީ ރޯސް އެވެ.އުމުރަކީ 63 އަހަރެވެ. އަހަރެންގެ އަމިއްލަ ގެޔެއް ގަތުމަށް ލާރި އެއްކުރުމަށްޓަކާ 40 އަހަރުވަންދެން އަހަރެން މަސައްކަތް ކުރީމެވެ. ލިބުނު އެންމެ ފިރިހެން ދަރިފުޅު އީތަންއާއި ފިރިމީހާ އާއި އެކު އުފާވެރި ދިރިއުޅުމެއް އުޅެނިކޮން ފިރިމީހާ މަރުވީއެވެ. ދެންވެސް ވަރުބަލިކަމެއް ނެތި އީތަން ބަލާބޮޑުކޮށް ރަގަޅަށް ކިޔަވާދީ އޭނާޔަށް ހަޔާތެއް ހޯދާދިނީމެވެ.

އީތަން މިހާރު މީހަކާ އިނދެގެން އުޅެނީ ވަކިންނެވެ.
އެއްދުވަހެއްގެ ހެދުނު އަހަރެން ހޭލައިގެން ކޮފީތައްޓެއް ހަދައިގެން އިށީންތަނާ އީތަން އައިސް ބުންޏެވެ. ”މަށާ މަގޭ އަންހެނުންނާއި ދެކުދިން އަދި އަންހެހުންގެ މަންމަ މިގެޔަށް ބަދަލުވަނީ އެވެ.“ އަހަރެންނަށް ޖެހުނީ ޝޮކެކެވެ. އަދި އެގޮތަށް އެކަންތައް ކުރާކަށް އަހަރެން ގަބޫލެއް ނޫނެވެ.އެހެންކަމުން އަހަރެން ބުނީމެވެ.“މިއީ އަހަރެންގެ ގެއެވެ.ތިޔަވަރުގެ ކަމެއް ނިންމި އިރު އަހަރެން ކައިރީ އެކަކުވެސް އަހާނުލީ ކީއްވެގެން ހެއްޔެވެ.“ މީގެ ޖަވާބުގައި އީތަންގެ އަންހެނުން ބުންޏެވެ. ”ތިޔަ އުމުރުގައި އެކަނި އުޅޭކަށް ނުވާނެއެވެ.އަނެއްކާ މިގޭގަ ހުރި ހުރިހާ ކޮޓަރިތައް މަންމަ ބޭނުން ކުރަނީކީ ނޫނެއް ނޫންހެއްޔެވެ.“ ދެންވެސް އަހަރެން ބުނީމެވެ. އެހެން ނަމަވެސް ފުރަތަމަ އަހަރެން ކައިރީ އަހަން ޖެހޭނެއެވެ. މަގޭ މަތިން ގޮތް ނިންމުގެ ބާރެއް އެކަކަށްވެސް ނޯންނާނެއެވެ.“
މިވާހަކަޔަށް އީތަން ބުންޏެވެ.“ތިޔަހާ ކަންތައްތައް ބޮޑު ތިޔަ ކުރަނީ ކީއްވެގެން ހެއްޔެވެ.އެހެން މަންމައިން ހަމަގައިމުވެސް އެއްބަސް ވާނެއެވެ. އަމިއްލަ ދަރިފުޅަށް އެހީތެރި ވުމަށް ވުރެ އެކަނި އުޅުންވެސް ރަގަޅީހެއްޔެވެ.؟“ އީތަން ބާރަށް ބުންޏެވެ.
އަހަރެން ޖަވާބުގައި ބުނީމެވެ. ”އަހަރެންގެ އަމިއްލަ ގޭގައި މެހްމާނެއްހެން ހުންނާކަށް ބޭނުމެއް ނޫނެވެ.“ އީތަން ސިޓިންގ ރޫމްގައި ދެކޮޅަށް ހިނގަމުން ބުންޏެވެ. މާތާ މިހާރުވަނީ އެއްޗެހިތައް ޕެކް ކުރަންވެސް ފަށާފައެވެ.ދެކުދިންވެސް އައު ގެޔަކަށް އާދެވޭތީ އުފަލުން ތިބި ކަމަށް ބުންޏެވެ.ކުދިން ތިބެން ހަމަޖެއްސީ އަހަރެންގެ ފަހާ ކޮޓަރި ކަމަށް ބުންޏެވެ.އެވަރަށް ވެސް އެމީހުން ވަނީ ރާވާފައެވެ.އަދި މާތާގެ މަންމަވެސް އެކަނި ނޫޅެވޭނެތީ ގެންނަނީ ކަމަށް ބުންޏެވެ.
އީތަންގެ ދެކުދިން ދެކެލޯބިން ކުދިން އުރާލަން އަހަރެން އެގެޔަށް ދާދުވަސް ދުވަހުވެސް އަހަރެންނާ ކުދިން ގުޅުވާކަށް އެދެމަފިރިން މަސައްކަތެއް ނުކުރެއެވެ. އެހެން ކަމުން އެކުދިންގެ މާމަ އެކުދިންނަށް ވަނީ ބީރައްޓެހި މީހަކަށެވެ. ދެން މިހާރު މާމަ ގެޔަށް އާދެވޭތީ އުފާވާންވީ ކީއްވެގެން ހެއްޔެވެ.
އީތަން ވާހަކަ ދެއްކި ގޮތުން ހީވަނީ އޭނަގެ މައްސަލަ ޔަށް އަހަރެންނަށް ހައްލު ހޯދާދެވޭތީ އަހަރެން އުފާވާން ޖެހޭނެޔޭ ބުނާހެންނެވެ. އަހަރެން ބުނީމެވެ. ”މިގޭގެ މޯގޭޖް ދައްކާ ހަމަކުރީ އަހަރެން އަމިއްލަޔަށް ކުރި މަސައްކަތުންނެވެ.“ މިހެން ބުނުމުން އޭނަ މަލާމާތުގެ ހިނި ގަނޑެއް ޖަހާލިއެވެ. އެ ހިނގަނޑުން އަހަރެންނަށް ވަރަށް އަސަރު ކުރުވިއެވެ. އަހަރެންމީ ކަމެއް ނިންމުމުގެ ބާރުވެސް ނެތް މީހެކޭ ބުނި ކަހަލައެވެ. އެވަރު ބޮޑުކަމެއް އަހަރެން އެކަނި ކުރުމުންވެސް އީތަން އަށް އެއީ ބޮޑުކަމަކަށް ނުވިއެވެ.
އަހަރެން އެންމެ ފަހުން ބުނީމެވެ. ”ހޮނިހިރު ދުވަހު އަންނާށެވެ.“މިހެން ބުނުމުން އަހަރެންގެ ނިއްކުރިޔަށް ބޮސް ދިނުމަށްފަހު ހިނގައްޖެއެވެ.
އީތަން ދިއުމުން އަހަރެންގެ ރަހުމަތްތެރިޔާ ޝެރަން އަށް ގުޅާލީމެވެ. ޝެރަން އަކީ އެހެން މީހުންގެ ހައްގުތަކަށް އިހުތިރާމް ކުރާ ފަރާތެކެވެ. ބެލް ނުޖަހާ މީހެއްގެ ގެޔަކަށް ނުވަންނާނެއެވެ. ޝެރަން އައިސް އޭނާޔަށް ހުރިހާ ވާހަކައެއް ކިޔާ ދިނުމުން އޭނަ އެހީ އަހަރެން ބޭނުންވަނީ ކޮންގޮތެއްތޯއެވެ. އަދި އޭނަޔަށް ފެންނަ ލަފަޔެއް ދިނެވެ.
އެހަފްތާގެ ބާކީ އޮތް ދުވަސްތަކުގައި އަހަރެން ހަމަ ކުރިންވެސް އުޅެމުން އައި ގޮތަށް ކުރިޔަށް ދިޔައިމެވެ. ފަތިހު ހިނގާލަން ދިއުމާއި އަވަށްޓެރި އެހެން އަންހެނުން ގެ ހާލު ބަލާލަން ގޮސްލުމާއި އަދި ގަސްތަކަށް ފެންދީ ބެލެހެއްޓުމުގައެވެ. ނަމަވެސް އެތެރޭން އަހަރެން ގެންދިޔައީ މީގެ އަހަރަރު ތަކެއް ކުރިންވެސް ނިންމަންޖެހޭ ނިންމުންތަކެއް ނިންމަމުންނެވެ.
އީތަންގެ އަންހެނުން ދެތިން ދުވަސްފަހުން ޑޯނަޓް ފޮއްޓެއް ހިފައިގެން އައެވެ. އަދި އެގެޔަށް ބަދަލުވުމަށްފަހު އަހަރެންގެ ތަކެތި ފަރުވާތެރިކަމާއެކު ބަލަހައްޓާނެ ކަމަށް ބުންޏެވެ. އެއީހަމަ އަހަރެންނަށް އޮޅުވާލަން ދެއްކިހާ ވާހަކަކަން އެނގުނެވެ.
އަހަރެން ސުވާލުކުރީމެވެ. ގޭގެ ޚަރަދު ތަކަށް ދޭން ގަސްތު ކުރަނީ ކިހާވަރެއްހެއްޔެވެ. މިސުވާލަށް ސީދާ ޖަވާބެއް ނުދެވުނެވެ. ހަމަ އެކަނި ބުނީ ދެން ކޮންމެވެސް އެއްޗެއް ދޭނެ ކަމުގައެވެ.
އަހަރެންނަށް ވިސްނުނު ގޮތުގައި މިމީހުން ރާވަނީ ހުރިހާ ބުރައެއް އަހަރެންގެ ބޮލަށް ޖެހުމަށެވެ.ޚަރަދުތަކާ، ކުދިން ބެލުމާ، އެންމެނަށް ކައްކާފަ ކާން ދިނުމާ ގޭތެރެ ސާފު ކުރުމާ މިހުރިހާ ކަމެކެވެ.
ހޮނިހިރު ދުވަހު ހެދުނު ބޮޑު ޓްރަކް އަކަށް އެއްޗެތި އަރުވައިގެން އީތަންގެ މުޅި އާއިލާ އަތުވެއްޖެ އެވެ.އަދި އެއްޗެތި ބޭލުމަށް އީތަން ލޯރީގެ މީހުން ކައިރީގައި ބުންޏެވެ. ނަމަވެސް އަހަރެން އެކަން މަނާ ކުރުވީމެވެ. އަދި މިގެޔަށް އެއްވެސް އެއްޗެއް ނުވެއްދޭނެ ކަމަށް ބުނީމެވެ. އީތަން ހަޅޭއްލަވަން ފެށިއެވެ.ވަރަށް ރަހުމެއް ނެތް މަންމައެއް ކަމަށް ބުންޏެވެ. އޭރު މާތާ ރޯންފަށައިފިއެވެ. އަހަރެން ބުނީމެވެ. އަހަރެންގެ އުމުރުގެ 63 އަހަރު ރަނގަޅު މަންމަ އަކަށް ވެވޭތޯ ބެލީމެވެ. ނަމަވެސް މިއަދު އަހަރެން ބޭނުމީ އަމިއްލަ ”ބައުންޑަރީ“ ތަކެއް ލިބިގެންވާ މިނިވަން އަންހެނެއްގެ ގޮތުގައި ހުންނާށެވެ.“ މިހެން ބުނުމުން އަހަރެން ވަނީ ބުއްދި ގޯސްވެފަ ކަމަށްވެސް އީތަން ބުންޏެވެ.އަހަރެން ބުނީމެވެ.ބޭނުން ކޮންމެ ގާނޫނީ ވަކީލަކާވެސް ވާހަކަ ދައްކިނަމަވެސް މިކަން އޮންނަން ޖެހޭނީ މިގޮތަށް ކަމަށް ބުނާނެއެވެ.“ ގެޔަކީ އަހަރެންގެ ގެޔެއްކަމުގެ ލިއުންތައް އަހަރެންގެ އަތުގައި އެބަހުއްޓެވެ.އަދި ދަރިއެއްކަމުގައި ވީނަމަވެސް އަހަރެންގެ ނުރުހުމުގައި އެގޮތަށް ގަދަބާރުން އައިސް ގެޔަށް ވެރިވެ ނުގަނެވޭނެ ކަން އަހަރެންނަށް އިނގެއެވެ.
ގާނޫނީ އެހީތެރިކަން ހޯދައިގެން ޖެހިގެން އައި ހަފްތާގައި އަހަރެން އެގެވިއްކާލީއެވެ. އަދި ލިބުނު ލާރިއަށް ބަގީޗާއެއްލާފައިވާ ދެކޮޓަރީގެ ކުޑަ ގެޔެއް ގަނެ އެތަނަށް ބަދަލުވީއެވެ.އެތަނުގައި އަހަރެން ބޭނުންވާ ”ޕީސް“ ނުވަތަ އަމާން ދިރިއުޅުން އަހަރެންނަށް ލިބެއެވެ. އެއީ އުމުރުގެ ފަހުބައިގައި ލިބުމަށް އަހަރެން އަބަދުވެސް އެދިއެދި ހުންނަ އަމާން ދިރިއުޅުމެވެ.
ގެވިއްކާލި ދުވަހުވެސް އަދި އޭގެ ކުރިންވެސް އީތަން އެންމެ ފަހަރަކުވެސް މަންމަ އޯކޭތޯ ނާހައެވެ. އެދުވަހުވެސް ހަމައެކަނި ސުވާލުކުރީ ގެވިއްކާލީ ކީއްވެގެންތޯއެވެ. މިސުވާލުން އެކަނިވެސް އަހަރެންނަށް ކަންތައް ކުރެވުނު ގޮތް ގޯސް ނޫންކަން އަހަރެންނަށް ޔަގީންވިއެވެ.ދަރިފުޅުގެ ފަރާތުން އޯގާތެރިކަމާއި ލޯބި ލިބޭނެ ކަމަށް އުންމީދު ކޮށްގެން މުސްކުޅިވެ ގައިބާރު ދެރަވި ދުވަހު ބައެއްގެ ނޯކަރަކަށް ވެގެން ހުންނަން އަހަރެން ބޭނުމެއްނޫނެވެ.
ފަހުން އަހަރެންނަށް މައުލޫމާތު ލިބުނު ގޮތުގައި އީތަން ރޭވީ އީތަން މީހަކާ އިނދެގެން އުޅުމަށް އޭނަގެ ބައްޕަ ދުނިޔޭގައި އީތަންގެ ނަމުގައި ގަނެދިން ރީތިގެ ކުއްޔަށް ދިނުމަށްފަހު މަގޭގޭގައި އުޅެން އައުމަށެވެ. އަދި އެގެއިން ކުލީގެ ގޮތުގައި ބޮޑު އާމްދަނީއެއް ލިބޭނެގޮތަށް އޮތް ނަމަވެސް އަހަރެންނަށް އެއިން ބައެއް ދޭކަށް އެމީހުންގެ ވިސްނުމަކު ނެތެވެ.
މާތާގެ މަންމަ ބެލުމަށްވެސް މީހަކު ގެންގުޅޭނަމަ ޚަރަދުތަކެއް ހިނގާތީ އެމީހުން ރޭވީ އެކަންވެސް އަހަރެންގެ ބޮލަށް ޖަހާށެވެ.
މިއަދު އަހަރެން އަމިއްލަ ނޯކަރެއް ގެންގުޅެމެވެ. އަދި ވަރަށް ހަމަޖެހިގެން ބޭނުން ވަގުތަކު ބޭނުން ކަމެއް ކޮށްގެން އެބައުޅެވެއެވެ. މާމަ ދަރިން އަހަރެންނާ ގުޅުވުން ނުވަތަ ނުގުޅުވުން އޮތީ އީތަން ގެ ދެމަފިރިންގެ ކިބައިގައެވެ. މިއަދުވެސް އަހަރެން މިދުނިޔެ ދޫކޮށްފިނަމަ އަހަރެންގެ ގެޔާއި މުދާ ހުންނާނީ އީތަން އަށްތާއެވެ.
މިއަދު އަހަރެން ބޭނުންވާ ”ބައުންޑަރީ“ އަހަރެންނަށް ވަނީ ލިބިފައެވެ.