ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ސިވިލް ސަރވިސް ކޮމިޝަނަށް މިއަދު ތިން މެންބަރަކު އައްޔަން ކުރައްވައިފިއެވެ.
މި މަޤާމަށް އައްޔަން ކުރައްވާފައިވަނީ، މ. ފަލްކަންގެ، މުޙައްމަދު ނާޞިޙާއި، ދަފްތަރު. ނަންބަރު 1325، ޑޮކްޓަރ ޙުސައިން ފާއިޒް، އަދި މ. ވައިޓްބެލް، ޑރ. ދީބާ މޫސާއެވެ.
މިކަމަށްޓަކައި ރައީސުލްޖުމްހޫރިއްޔާގެ އޮފީހުގައި ބޭއްވި ޚާއްޞަ ރަސްމިއްޔާތެއްގައި، ސިވިލް ސަރވިސް ކޮމިޝަނުގެ މެންބަރުކަމަށް އައްޔަން ކުރެއްވި ބޭފުޅުން ވަނީ އެ ކޮމިޝަނުގެ މެންބަރުކަމުގެ ހުވާ ކުރައްވާފައެވެ. އެ ބޭފުޅުންނަށް ހުވާ ލައިދެއްވީ ސުޕްރީމް ކޯޓުގެ ފަނޑިޔާރު، އަލްއުސްތާޛު ޢަލީ ރަޝީދު ޙުސައިނެވެ.
މި ރަސްމިއްޔާތުގައި ރައީސުލްޖުމްހޫރިއްޔާ ވަނީ، ސިވިލް ސަރވިސް ކޮމިޝަނަށް އައްޔަން ކުރެއްވި ތިން މެންބަރުންނަށް މަޤާމުގެ ފަތްކޮޅު ދެއްވާފައެވެ.
