ރައީސް ޑޮނަލްޑް ޓްރަމްޕް ވަނީ ”ޒުވާން ޖޯޝުގައި ހިންގާ މާރާމާތީއާއި އަނިޔާވެރިކަން“ ހުއްޓުވުމަށް ކުރާ ކަމެއްގެ ގޮތުގައި ގިނަ އަދަދެއްގެ ފެޑެރަލް ލޯ އެންފޯސްމަންޓް އޮފިސަރުން ވޮޝިންޓަން ޑީސީއަށް ފޮނުވުމަށް އަމުރު ކުރައްވާފަ އެވެ.

މި އޮޕަރޭޝަންގައި އެފްބީއައި، ޑީއީއޭ، އޭޓީއެފް، ޔޫއެސް މާޝަލްސް އަދި ޕާކް ޕޮލިސްގެ އެޖެންޓުން ވެރިރަށް ޕެޓްރޯލްކޮށް ސަލާމަތީ ކަންކަން ވަރުގަދަކުރުމަށް ކޯޑިނޭޓްކޮށް ކުރިއަށް ގެންދާނެ އެވެ.

މި ފިޔަވަޅަކީ ފުރާވަރުގެ ސިޔާސީ އެއިޑްއަކަށް ދިން ހަމަލާ ހިމެނޭ ގޮތަށް މަތީ ފެންވަރުގެ ސިލްސިލާ ހަމަލާތަކަކާ ގުޅިގެން އެޅުމަށް ނިންމާފައިވާ ފިޔަވަޅެކެވެ. ޓްރަމްޕް ވަނީ އެސިޓީގެ ލީޑަޝިޕުން ރައްޔިތުން ހިމާޔަތްކުރުމުގައި ނާކާމިޔާބުވެފައިވާކަމަށް ބުނެ ފާޑުވިދާޅުވެފައެވެ. އަދި ނޭޝަނަލް ގާޑަށް މަގުތައް މައްޗަށް ނުކުތުމަށް ގޮވާލައިގެން ނުވަތަ އެސިޓީގެ ވެރިކަމަށް ގޮންޖަހައިގެން ނަމަވެސް އިތުރަށް ހާލަތު ގޯސްވިޔަ ނުދީ ހިފެހެއްޓުމަށް ތައްޔާރަށް ހުރި ކަމަށް ބުނެ އޭނާވަނީ އިންޒާރު ދެއްވާފަ އެވެ.

މިގޮތުން، އުމުރުން 14 އަހަރުން މަތީގެ ކުށްކުރާކޮންމެ ފަރާތަކީ ބޮޑު މީހެއްގެ ގޮތުގައިބަލައި، އެފަދަ އަނިޔާވެރި ކުށްވެރިންގެ މައްޗަށް ދައުވާ ކުރުމަށް ވެސް އޭނާގެ ޕްލޭންގައި ހުށަހަޅާފައިވާއިރު، މިއީ މީގެ ކުރިން ފާޑުކިޔުންތެރިން ކަންބޮޑުވުން އުފައްދާފައިވާ ސިޔާސަތެކެވެ.

ލޯކަލް އޮފިޝަލުން އަދި ވަރުގަދަ ޖަވާބެއް ދީފައި ނުވި ނަމަވެސް މި އިއުލާނާ ގުޅިގެން ވޮޝިންގްޓަންވަނީ ހާސްކަމެއްގެ ތެރެއަށް ވެއްޓިފައެވެ. ރިޕޯޓްތަކުން ދައްކާ ގޮތުގައި އަނިޔާވެރި ޖަރީމާތައް މިދިޔަ އަހަރަށް ވުރެ މަދު ނަމަވެސް، ޓްރަމްޕް ވިދާޅުވާ ގޮތުގައި މަގުތައް އަދިވެސް ރައްކާތެރިއެއްނޫނެވެ. އަދި އާންމުންގެ އިތުބާރު އަނބުރާ ހޯދޭނީ ހަމައެކަނި ވަރުގަދަ ފެޑެރަލް ޕްރެޒެންސްއަކުން ކަމަށް ޓްރަމްޕް ގަބޫލުކުރެއެވެ.

މި ފިޔަވަޅު ވަރުގަދަ ކުރުމަށް ހަމަޖެހިފައިވަނީ އެންމެ ނުރައްކާތެރި ކަމަށް ފެންނަ އަވަށްތަކާއި، ފަތުރުވެރި ސަރަހައްދުތަކަށެވެ. ވައިޓް ހައުސްއިން ބުނާގޮތުގައި ސަރުކާރުގެ އަމާޒަކީ ރައްޔިތުންނާއި، ވިޔަފާރިތަކާއި، ޒިޔާރަތްކުރާ މީހުން ހިމާޔަތް ކުރުމެވެ. މި ސްޓްރެޓެޖީގެ ސަބަބުން ހަމަޖެހުން ގެނެސްދޭނެކަމެއް ނުވަތަ ފުޅާ ސިޔާސީ މައްސަލައެއް އުފެދިގެންދާނެ ކަމެއް އަދި ޔަގީން ނުވި ނަމަވެސް ވޮޝިންޓަނުން ގެންދަނީ ފެޑެރަލް ލޯ އެންޑް އޯޑަރ އިންޓަރވެންޝަންތަކުގެ ތެރެއިން އެތައް އަހަރުތަކެއްފަހން ފެނިގެންދާނެ އެންމެ ވަރުގަދަ އެއް އިންޓަރވެންޝަނަށް ތައްޔާރުވަމުންނެވެ.