4 މީހުންނާއެކު ށ. ފުނަދުއަށް ދަތުރުކުރަމުންދިޔަ ސަޕްލައި ދޯންޏެއް ބަންޑުންޖަހާލައި، އެއިން ދަތުރުކުރި އެކަކު ނިޔާވެއްޖެއެވެ.
ދިވެހި ފުލުހުންގެ ޚިދުމަތުން ބުނީ، ހދ. ކުޅުދުއްފުށިން ށ. ފުނަދުއަށް 4 މީހުންނާއެކު ދަތުރުކުރަމުންދިޔަ ސަޕްލައި ދޯންޏެއް ކުމުންދޫ ކައިރިން ބަންޑުންޖަހާލާފައި ވާކަމަށް މިއަދު 08:55ހާއިރު ރިޕޯޓްކޮށްފައި ވާކަމަށެވެ.
ފުލުހުން ބުނީ، އެ ދޯނިން ދަތުރުކުރީ 2 ދިވެހިންނާއި 2 ބިދޭސީން ކުޅުދުއްފުއްޓަށް ގެންދިޔަފަހުން އެތަނުން އެކެއްގެ ހާލު ދެރަވެގެން ކުޅުދުއްފުށީ ރީޖަނަލް ހޮސްޕިޓަލަށް ގެންދިޔަ ކަމަށެވ.
އުމުރުން 66 އަހަރުގެ ދިވެހި ފިރިހެންމީހާ ނިޔާވެފައިވަނީ ހޮސްޕިޓަލުގައި ފަރުވާދެމުންދަނިކޮށް ކަމަށް ފުލުހުން މަޢުލޫމާތުދެއެވެ.
މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ގެންދަނީ ބަލަމުން ކަމަށް، ދިވެހި ފުލުހުންގެ ޚިދުމަތުން ބުނެފައިވެއެވެ.
