ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ޓާމިނަލް ހުޅުވުމުގެ ގޮތުން ރޭ ބޭއްވި ހަވާ އެރުވުމުގެ ހަރަކާތް ގިނަސް ވޯލްޑް ރެކޯޑު ފޮތަށް އަރައިފިއެވެ.
އެ ރަސްމިއްޔާތުގައި މާލޭގެ ވަށައިގެން ކަނޑުގެ 16 ސަރަހައްދެއްގައި އަދި އެއާޕޯޓް ކައިރިން ތިން ސަރަހެއްދެއްގައި ވަނީ ހަވާ އަރުވާފައެވެ.
މިއަދު ބޭއްވި ރަސްމިއްޔާތެއްގައި އެމްއޭސީއެލްގެ ފަރާތުން ގިނަސް ވޯލްޑް ރެކޯޑްސްގެ ފަރާތުން ދިން ލިޔުމާ ހަވާލުވެވަޑައިގެންނެވީ މޯލްޑިވްސް އެއާޕޯޓްސް ކޮމްޕެނީ ލިމިޓެޑްގެ ޗެއާޕާސަން އައިޝާ ނޫރައިން ޖަނާހް އެވެ.
މި ހަރަކާތް ގިނީސް ވޯލްޑް ރެކޯޑަށް އެރީ 19 ތަނެއްގައި އެއްފަހަރާ ސިންކްރޮނައިޒް ވާގޮތަށް ހަވާ އަރުވައިގެން ކަމަށް އެމްއޭސީއެލުން ބުނެފައި ވެއެވެ.
