ރޭ މެންދަމު ކ.ގުރައިދޫގައި ނިޔާވި 4 މަހުގެ ކުއްޖެއްގެ މަރުގައި ޝައްކުކުރެވޭ ކަންތައްތަކެއް ހުރުމުން އޮޓޮޕްސީ ހަދަން ނިންމައިފިއެވެ.
ފުލުހުންގެ ޚިދުމަތުން މިރޭ ބުނީ މި މައްސަލަ ފުލުހުންނަށް މިއަދު ރިޕޯޓުކޮށްފައިވާތީ ތަހުގީގު ކުރަމުންދާ ކަމަށެވެ.
މި ކުއްޖާގެ ހަށިގަނޑުގެ އޮޓޮޕްސީ ހެދުމަށް ރާއްޖެއިން ބޭރަށް ފޮނުވުމަށް ހަމަޖެހިފައިވާ ކަމަށް ވެސް ފުލުހުން ބުންޏެވެ.
އެ ކުއްޖާ ޚަބަރު ހުސްވެފައި އޮތުމުން ސިއްހީ މަރުކަޒަށް ގެންދިޔައީ ރޭ މެންދަމު 00:30 ހާއިރުއެވެ.
ސިއްހީ މަރުކަޒަށް ގެންދިޔައިރު ވެސް ކުއްޖާ އޮތީ ނިޔާވެފައި ކަމަށް ޑޮކްޓަރުން ވަނީ ބުނެފައެވެ.
ނިޔާވެފައި އޮތްއިރު ކުއްޖާގެ ނޭފަތުން ލޭ އައިސްފައި ހުރި ކަމަށްވެއެވެ.
ކުއްޖާގެ ހަށިގަނޑު މާލެ ގެނެސް، ޓެސްޓުތަކެއް ހެދުމަށްފަހު މިހާރު ހަށިގަނޑު ބާއްވައިފައި އޮތީ މޯޗަރީގައެވެ.
ކ.ގުރައިދޫ. ފޮޓޯ: ގުރައިދޫ ކައުންްސިލު އެފްބީ ޕޭޖް
