މޯލްޑިވްސް ބްރޯޑްކާސްޓިންގ ކޮމިޝަނަށް ދެ މެންބަރުން އައްޔަންކުރެއްވުމަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު 12 ބޭފުޅެއްގެ ނަން ރައްޔިތުންގެ މަޖިލީހަށް ފޮނުއްވައިފިއެވެ.

މަޖިލީހުގެ މިއަދުގެ ޖަލްސާގައި ވަނީ މިކަމާ ގުޅޭ ގޮތުން ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ މައްސަލަ، ދިރާސާކޮށް ގޮތެއް ނިންމުމަށް އެ މައްސަލައާ ގުޅޭ ދާއިމީ ކޮމިޓީއަށް ފޮނުވައިފައެވެ.

މިކަމާ ގުޅިގެން ރައީސް ފޮނުއްވި ސިޓީގައި ވަނީ ބްރޯޑްކޮމްގެ މެންބަރުކަމަށް ހުޅުވައިލުމުން އެކަމަށް އެދި ހުށަހެޅުއްވި ބޭފުޅުންގެ ތެރެއިން އެ މަގާމަށް ޝަރުތު ހަމަވާ ބޭފުޅުންގެ ނަން، އިސްކަންދޭ ތަރުތީބުން ބަޔާންކުރައްވާފައެވެ.

ރައީސް ހުށަހެޅުއްވި ނަންތައް (އިސްކަންދޭ ތަރުތީބުން):

1.މުޙައްމަދު ޢަބްދުﷲ (މުހަންމާ). އުސްއަކުރުގެ، ހއ.އިހަވަންދޫ

2.އިބްރާހިމް މުޢާޒު ޢަލީ. ހަޒާރުމާގެ، ނ.ފޮއްދޫ

3.އިބްރާހިމް އަޝްރަފް. ވ.މަށިވެލި

4.ލެފްޓިނެންޓް ކާނަލް ރިޓަޔަރޑް ޒުބައިރު އަޙްމަދު މަނިކު. ގ.މަލްވިނަ

5.ޢަބްދުﷲ ހުމައިދު ފަޒާ. ޅ.ހިންނަވަރު

6.ޢާއިޝަތު ދިޔާނާ ޠާހިރު. ސެވަން ސްޓާ، ސ.ހިތަދޫ

7.އާމިނަތު ސަރާހަތު ޢިއްޒަތު. ގ.ގޮފި

8.ޝިމްލާ އަޙްމަދު. އާސްޓްރަލްގެ، ސ.ހިތަދޫ

9.އިސްމާޢީލް ޝަފީޤް. މ.ސްލީޓް

10.ޝިފްޒާ މުސްޠަފާ. މާދަނޑު، އާސާނު، ޏ.ފުވައްމުލައް

11.ޢަލީ ނިޝާން. ގ.ކޫލް ގްރާސް

12.މުޙައްމަދު ޝަމީމް. ހ.ޕްރިޓީވިލާ

ބްރޯޑްކޮމްގެ މެންބަރުކަމުގެ ދެ މަގާމު ހުސްވީ ގ.ހިލްމަން، މަރްޔަމް ވަޙީދާ އަދި ޅ.ހިންނަވަރު/ބާރަނާ، ޢަލީ ޔޫސުފްގެ މެންބަރުކަމުގެ ދައުރު މި ހިނގާ ޑިސެންބަރު މަހުގެ 5 ވަނަ ދުވަހުގެ ނިޔަލަށް ހަމަވުމާ ގުޅިގެންނެވެ.

އިބްރާހިމް މުޢާޒު. ފޮޓޯ: ސަން