އަމީނީ މަގުގައި ހައުސިންގ މިނިސްޓްރީ ހުންނަ އިމާރާތުގައި އަލިފާނުގެ ހާދިސާއެއް ހިނގައިފިއެވެ.
މ.ގްރީން ބިލްޑިންގ ގައި ވަރަށް ބޮޑަށް އަލިފާން ރޯވެފައިވާއިރު، މުޅި ސަރަހައްދު އޮތީ ދުމުން ފުރިފައެވެ.
މައުލޫމާތު ލިބޭ ގޮތުން އެންމެ ފުރަތަމަ ރޯވެފައިވަނީ މި އިމާރާތުގެ އެންމެ ހުޅަނގަށް ހުންނަ ޓިނު އިމާރާތުގެ އެއްވަނަ ބުރީގައެވެ.
އަލިފާނުގެ ހާދިސާ ހިނގިއިރު އިމާރާތުގެ ތެރޭގައި މީހަކު ނެތް ކަމަށް މައުލޫމާތު ލިބެއެވެ.
އެ ސަރަހައްދު ބަންދުކޮށް އެމްއެންޑީއެފްއިން އަންނަނީ އަލިފާން ނިއްވުމުގެ މަސައްކަތް ކުރަމުންނެވެ.
ފުލުހުން ވެސް އަންނަނީ އެ ސަރަހައްދުގައި ހަރަކާތްތެރިވަމުންނެވެ. އަދި އެ ސަރަހައްދުގައި ހުރި ގެތަކުން މީހުން ނެރުމުގެ މަސައްކަތް ދަނީ ކުރަމުންނެވެ.
