އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކަށް ފަރުވާދެމުން ދަނިކޮށް ނިޔާވެއްޖެއެވެ.

ފުލުހުން ދެންމެ ބުނީ މިއަދު 8:56 ހާއިރު އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކު، ފުލުހުން އެޓެންޑްވެ ހޮސްޕިޓަލަށް ގެންގޮސްފައިވާ ކަމަށެވެ.

ފުލުހުން ބުނީ އޭޑީކޭގައި ފަރުވާދެމުން ދަނިކޮށް އެ މީހާ ނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށެވެ.

ނިޔާވެފައިވަނީ ސ.ހިތަދޫ/ސޯސަންގެ އަޙްމަދު ޝަރީފް (53 އ) އެވެ.

ފުލުހުން ބުނީ މި ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.

ކަރެކްޝަން: ފުލުހުން ފަހުން މީޑިއާތަކާ ހިއްސާކުރި މެސެޖެއްގައި ބުނީ މީހާ ގެންގޮސްފައިވަނީ މަގުމައްޗަށް ވެއްޓިފައި ވަނިކޮށް ކަމަށް ދެންނެވިފައިވަނީ އެވަގުތު ލިބުނު މައުލޫމާތުގެ ކުށަކުން ކަމަށް. ރަނގަޅު ގޮތަކީ އާޓިފިޝަލް ބީޗު ތެރޭގައި ހުރި ކެފޭއެއްގައި އިންދައި މެއަށް ތަދެއް އަރައިގެން އޭޑީކޭއަށް ގެންދިއުން ކަމުގައި.

ފޮޓޯ: މިހާރު