ސަރުކާރު ކުންފުނިތައް އިސްލާހުވާ ތަނެއް، ރަނގަޅުވާ ތަނެއް ނުފެންނަ ކަމަށާއި، ކޮރަޕްޝަން ކަންތައްތައް ހުއްޓޭތީކީ ވެސް ނުފެންނަ ކަމަށް ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަޙްމަދު ނާޒިމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ރައްޔިތުންގެ މަޖިލީހުގެ އިއްޔެގެ ޖަލްސާގައި އަންނަ އަހަރަށް ލަފާކުރާ ބަޖެޓަށް ވާހަކަ ދައްކަވަމުންނެވެ.
“ސްޓޭޓް އޯންޑް އެންޓަރޕްރައިޒަސް ނުވަތަ ސަރުކާރު ކުންފުނިތަކަކީ ހަމަ ލޭ މަނާނުވެ، ހަމަ ލޭ އަންނަމުންދާ އަޅުގަނޑުމެންނަށް އޮތް ވަރަށް ބޮޑު ޒަޚަމެއް.“
ނާޒިމް ވިދާޅުވީ މިދިޔަ އަހަރު ވެސް ކުންފުނިތަކަށް 940 މިލިއަން ރުފިޔާ ދެވުނު ކަމަށާއި އެ ކުންފުނިތައް އިސްލާހުވާތަނެއް، ރަނގަޅުވާ ތަނެއް ނުފެންނަ ކަމަށެވެ. އަދި ކޮރަޕްޝަން ކަންތައްތައް ހުއްޓޭތީކީ ވެސް ނުފެންނަ ކަމަށެވެ.
ކޮރަޕްޝަނާ ގުޅޭ ގޮތުން ކުރިން ފެންނަ ސުރުޚީތައް ހަމަ މިހާރު ވެސް ފެންނަމުންދާ ކަމަށް ނާޒިމް ވިދާޅުވިއެވެ.
ނާޒިމް ވިދާޅުވީ ފިނޭންސް މިނިސްޓަރު މޫސާ ޒަމީރު ކެރިވަޑައިގެން އެސްއޯއީތަކާމެދު ފިޔަވަޅު އަޅުއްވަންޖެހޭ ކަމަށެވެ.
“ހަމައެއާއެއްކޮށް އެސްއޯއީތަކުގެ ބަލަދުވެރިކަން މިހާތަނަށް އޮތް ޕީސީބީ އުވާލައްވައި މިނިސްޓްރީގެ ދަށަށް ޕީސީބީގެ މަސައްކަތްތައް ގެންދަވަން ވިސްނަވާފައި އޮތް ދަނޑިވަޅެއްގައި އެސްއޯއީތައް އިސްލާހުުކުރުމަށްޓަކައި މަސައްކަތް ކުރައްވާ، އެ ކަންތައްތައް ރަނގަޅު ކުރައްވާ ފަރާތަކީ އިއްޒަތްތެރި މިނިސްޓަރުކަމުގައި ވުމަށް އަޅުގަނޑު މިއަދު ގޮވާލަން.“ ފިނޭންސް މިނިސްޓަރަށް އިޝާރަތްކުރައްވައި ނާޒިމް ވިދާޅުވިއެވެ.
އެސްއޯއީތައް މިހާރު ހިންގަމުންދާ ގޮތަށް ހިންގާނަމަ ފެންނަމުންދާނީ ހަމަ އެއް ނަތީޖާއެއް ކަމަށް ނާޒިމް ވިދާޅުވިއެވެ.
4 Responses
ކޮތަޕްޝަން! ނާޒިމް! ސްޓެލްކޯ! އެމްއެމްއެކްސްޕޯޓް! ބައިވަރުވާހަކަ! ރަމޭޝް! މޯހަންގުއްތާ! ގުދޯގުދޯ!
ސަރުކާރުގެ އެހެންވެރިންނާއި ނާޒިމުގެ ވާހަކަފުޅު ވަށްތަފާތު
ދައުލަތުގެ ކުންފުނިތައް ސަރުކާރުގެ ތަކުން އިތުރުކުރަނީ ސީދާ ކަރަޕްޝަން ހިންގަންވެގެންކަށް ނާޒިމަށް ހަމަ ރަނގަޅަށް އެނގެނެއެވެ. ދެބޯގެރި ދުއްވުން ހުށްޓާލައިފާ ޢަމަލު ކުރަންވީއެވެ. ރައްޔަތުންގެ ބެލްޓް ބާރުކޮށްފާ ގަރުދިޔަބޯން ނުޖައްސާ އޮޑީގެ ދިޔަވާ ހުރިހާތަނެއް ބައަދަވާށެވެ. އޭރުން އޮޑި ނުފެތި ސަލާމަތް ވާނެއެވެ. ކީއްކުރާހާ ކުންފުނިތަކެއްތޯއެވެ. އަދި އެ ކުންފުނިތަކުން ވިޔާފާރިވެރިން ކުރާ ކުދި މެދުފަންތީގެ ތެރެއަށްވެސް ވަދެ އަދި ނިވިތާކަށް ޓެކްސީވެސް ދުއްވަންވީތޯއެވެ. ރައްޔަތުން ހަނާކޮށްލާން ދިމިޔާތުގައި ހުވައެއް ކޮށްގެން ކުރެވޭ ޙަރާމް ވެރިކަމެއްތޯއެވެ؟ ހަމަ ތެދެކެވެ. ރައްޔަތުން ކަލޭމެން ދެކެ މަށަކުފޫއްސެއް ނޫން ވަނީޔަކީ. އެގެން ބޭނުން ނުވިޔަސް މިއީ މިއަދުގެ ޙަގީގަތެވެ. ވަރަށް ސަލާމް!
ސަރުކާރުގެ ކުންފުނިތައް ނުހުންނާނެއެވެ. ދައުލަތުގެ ކުންފުނިތައް އެއިރެއްގައި އޮތް ސަރުކާރަކުން މާތްﷲ ގަންދީ ވެރިމީހާ ކުރި ހުވަޔާއި އެއްގޮތަށް އަމާނާތްތެރިކަމާއި އެކު 5 އަހަރުގެ މުއްދަތަށް ހިންގާނީ އެވެ. އަމިއްލަ ކުންފުންޏެއް ހިންގާ ފަދައިން އެއަށްވުރެވެސް ބޮޑަށް އަމާނާތްތެރި ކަމާއި އެކުގައެވެ. އެހެނީ އެއީ ރައްޔަތުންގެެ މިލްކިއްޔާތަކަށް ދައުލަތް ދާތީއެވެ.