ރައީސް އިބްރާހިމް މުޙައްމަދު ޞާލިޙްގެ ސަރުކާރުން އުފެއްދި އިންތިގާލީ އިންސާފުގެ އޮމްބަޑްސްޕަރސަންގެ އޮފީސް އުވައިލިއިރު، އެ އޮފީހަށް 400 އަށްވުރެ ގިނަ މައްސަލަ ހުށަހަޅާފައިވާ ކަމަށް އެޓާނީ ޖެނެރަލް އަޙްމަދު އުޝާމް ވިދާޅުވެއްޖެއެވެ.
އެޓާނީ ޖެނެރަލް އަޙްމަދު އުޝާމް މިހެން ވިދާޅުވީ ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ.
އުޝާމް ވިދާޅުވީ އޭޖީ އޮފީހުން މިހާރު ކުރަމުންދާ އެންމެ މުހިންމު އެއް މަސައްކަތަކީ އޮމްބަޑްސް ޕާސަން އޮފީހަށް ހުށަހެޅިފައިވާ މައްސަލަތަކަށް ހައްލެއް ހޯދުމުގެ މަސައްކަތް ކަމަށެވެ.
“އެ މައްސަލަތަކަށް ހައްލެއް ހޯދުމުގެ މަސައްކަތް މި ސަރުކާރުން ހަވާލުވިއިރުން ފެށިގެން ކުރަމުން މިދަނީ.“
އުޝާމް ވިދާޅުވީ މި މައްސަލަތައް ހައްލުކުރުމަށް ރައީސް އޮފީހުން އޭޖީ އޮފީހަށް ޕޮލިސީ ޑައިރެކްޝަނެއް ވެސް ލިބިފައިވާ ކަމަށެވެ.
އޮމްބަޑްސް ޕާސަން އޮފީހަށް ހުށަހެޅި މައްސަލަތަކުގެ ބާވަތުންނާއި އަދަދަށް ބަލާއިރު، އަދި މި ސަރުކާރުން ވެރިކަމާ ހަވާލުވިއިރު ނިމިފައި ހުރި ނިސްބަތަށް ބަލާއިރު، ހުރިހާ މައްސަލައެއް ހައްލުކުރުމަށް އިތުރު ވަގުތު ނަގާނެ ކަމަށާއި ބައެއް މައްސަލަތަކަކީ އޭގެ ބާވަތުން ގާނޫނީ ހައްލު ހޯދަންޖެހޭ މައްސަލަތަކަށްވާތީ ވަގުތު ނަގަނީ ކަމަށް އުޝާމް ވިދާޅުވިއެވެ.
އޮމްބަޑްސް އޮފީހަށް ހުށަހެޅިފައިވާ މައްސަލަތަކަކީ ވަރަށް ގިނަ ބައެއްގެ ހައްގުތަކެއް ގެއްލިގެން ހުށަހަޅާފައިވާ ސީރިއަސް މައްސަލަތަކެއް ކަމަށާއި، ނަމަވެސް އެ އޮފީހުން ގާނޫނާ އެއްގޮތަށް މަސައްކަތްނުކޮށް ވަރަށް ބޮޑަށް އިހުމާލުވެފައިވާ ކަމަށް ވެސް އުޝާމް ވިދާޅުވިއެވެ.
އިންތިގާލީ އިންސާފުގެ އޮމްބަޑްސްޕަރސަންގެ އޮފީސް އުފެއްދެވީ 17 ޑިސެމްބަރު 2020 ގައެވެ.
One Response
evves kameh nuvi fahinqfOnuves nunagai