ގއ.އަތޮޅު ފަޅުރަށެއްގައި މަސްތުވާތަކެތި
ރައްކާކޮށްފައިހުރި ކަމަށް ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި އެ ރަށުގައި ފޮރުވާފައިހުރި މަސްތުވާތަކެތި ހޯދައިފިއެވެ.
ފުލުހުން މިއަދު ބުނީ މި އޮޕަރޭޝަނުގައި މަސްތުވާތަކެތި ކަމަށް ބެލެވޭ ތަކެތި ހޯދައި ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
ފުލުހުން ބުނީ ވިލިނގިލި ޕޮލިސް ސްޓޭޝަނާއި ކައުންޓަރ ނާކޮޓިކްސް އިންޓެލިޖެންސް ގުޅިގެން ހިންގި މި އޮޕަރޭޝަނުގައި، އެ ރަށް ބަަލައި ފާސްކުރިއިރު މަސްތުވާތަކެތި ކަމަށް ބެލެވޭ އެއްޗެއްހުރި ރަބަރު ޕެކެޓެއް ފެނިފައިވާ ކަމަށެވެ.
މި ތަކެތީގެ ވަގުތީ ބަރުދަނަކީ 163 ގްރާމް ކަމަށް ފުލުހުން ބުންޏެވެ.
ފުލުހުން ބުނީ މި މައްސަލައާ ގުޅިގެން މީހަކު ހައްޔަރުކޮށްފައިނުވާ ކަމަށާއި، މައްސަލަ ތަހުގީގު ކުރަމުންދާ ކަމަށެވެ.
One Response
ފުލުހުން ކުރާތަޙުޤީޤަކުން ސާބިތުވާނެ ޑްރަގް މައްސަލައެއް މަދުވާނެއެވެ. މަސްތުވާތަކެތިކަމަށް ބެލެވޭ ތަކެއްޗާއި ، ށައްކުކުރެވޭ އެއްޗެއް ނޫނީ ނުފެންނާނެއެވެ. ބޮޑުންނާ ގުޅިފައިއޮވެއްޖެ ކޮންމެ މައްސަލައެއް ދާނީ ފުލުންނެވެ.