ބޭންކް އޮފް މޯލްޑިވްސް(ބީއެމްއެލް)އަށް ސީއީއޯއެއް ހޯދަން އިއުލާނުކޮށްފިއެވެ.
ބޭންކް އޮފް މޯލްޑިވްސްގެ ސީއީއޯ ކަމަށް ކުރިމަތިލާ ފަރާތްތަކުގެ ޝަރުތުތަކުގެ ތެރޭގައި ބޭންކިންއާއި ފައިނޭންސްއިންއާއި ގުޅޭ ދާއިރާއިން މާސްޓާސް ޑިގްރީއެއް ހާސިލުކޮށްފައިވުމާއެކު 15 އަހަރު ދުވަހުގެ ތަޖުރިބާ ހުުންނަންޖެހޭނެއެވެ.
ބީއެމްއެލް އިން މިއަދު ހަވީރު ކުރި އިއުލާނެއްގައި ވަނީ ސީއީއޯއެއް ހޯދަން އިއުލާންކޮށްފައެވެ. އަދި އެ މަޤާމަށް ކުރިމަތިލުމުގެ ފުރުސަަތު އަންނަ މަހުގެ ހަތް ވަނަ ދުވަހާ ހަމައަށް ވަނީ ހުޅުވާލާފައެވެ.
ބީއެމްއެލްގެ ސީއީއޯގެ މަޤާމު ހުސްވެފައި މި ވަނީ 2022 ވަނަ އަހަރުން ފެށިގެން އެ މަޤާމުގައި ހުންނެވި ކާލް ސްޓުމްކަ މަޤާމުން އިސްތިއުފާ ދެއްވުމާއި ގުޅިގެންނެވެ.