ސާފުތާހިރުކަމެއް ނެތި މާލޭގައި ކުރަމުންދާ ވިޔަފާރިއަކާ ގުޅިގެން 15 ބިދޭސީން މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

މިކަންހާމަކޮށް މިގްރޭޝަނުން މިއަދު ބުނީ، ގަވާއިދާ ހިލާފަށް އެއްވެސް ސާފުތާހިރުކަމެއް ނެތި، ބިދޭސީން ރާއްޖޭގައި ކުރަމުންދާ ވިޔަފާރިއަކާ ގުޅިގެން ޓާސްކު ފޯހަށް ލިބިފައިވާ މަޢުލޫމާތަކާއާއި ގުޅިގެން ހޮނިހިރު ދުވަހު މާލޭގެ ގެއެއް ބަލާ ފާސްކޮށްފައިވާ ކަމަށެވެ. ބަލާ ފާސްކޮށްފައި ވަނީ ހ.ބިއަންކާ، އެވެ.

އިމިގްރޭޝަނުންބުނީ ބަލާ ފާސްކޮށް އެތަނުގައި ގަވާއިދާ ހިލާފަށް އުޅެމުންދާ 15 ބިދޭސީއަކު އިމިގްރޭޝަން ބެލުމުގެ ދަށަށް ގެނެވިފައިވާ ކަމަށެވެ.

މީގެ އިތުރުން މި ރެއިޑުގައި ވެސް ކަމާގުޅުންހުރި އިދާރާތަކުން ވަނީ ބައިވެރިވެފައި ކަމަށާއި އަދި އެތަނުގައި ކުރަމުން ދިއަ ވިޔަފާރި ހުއްޓުވުމަށް ވަނީ ނޯޓިސް ދީފައި ކަމަށް އިމިގްރޭޝަނުން ހާމަކުރެއެވެ.

އިމިގްރޭޝަނުން ހިއްސާކޮށްފައިވާ ފޮޓޯތަކުން އެނގިފައިވާ ގޮތުގައި ބަލާ ފާސްކޮށްފައި ވަނީ ކާބޯތަކެތީގެ ވިޔަފާރި ކުރަމުންދިޔަ ތަނެކެވެ.