ތ. ވޭމަންޑޫގައި ފުލުހުން މީހަކު ހައްޔަރު ކުރުމުގެ ތެރޭގައި އަނިޔާ ކުރި ކަމަށް ބުނާ މައްސަލައެއް ފެންމަތިވެއްޖެއެވެ.
އެއީ ކޮން މައްސަލައެއްގައި ހައްޔަރު ކުރި މީހެއްކަން އެނގިފައި ނުވި ނަމަވެސް، ފުލުހުން އެމީހާއަށް އަނިޔާ ކުރުމުގެ ތެރޭގައި އަނިޔާ ކުރި ކަމަށް ބުނެ އެރަށުގެ ބައެއް ފަރާތްތަކުން ވަނީ އެރަށު ޕޮލިސް ސްޓޭޝަނަށް ކައިރިއަށް އެއްވެ އަޑު އުފުލާފައެވެ.
އެކަމާ ގުޅިގެން ފުލުހުން ބުނީ، ތ. ވޭމަންޑޫގައި މީހަކަށް ފުލުހުން އަނިޔާ ކުރި ކަމަށް ބުނެ ޝޯޝަލް މީޑިއާގައި ދައުރުވަމުންދާ ވީޑިއޯއާއި ގުޅިގެން ބަލަން ޖެހޭކަންކަން ބަލަމުން އަންނަ ކަމަށެވެ.
އާންމުވެފައިވާ ވިީޑިއޯގައި ފުލުހުން އެމީހާއަށް އަނިޔާކުރި ކަމަށް ވަނީ ތުހުމަތު ކޮށްފައެވެ. އެގޮތުން އެމީހާ ފުލުހުންގެ އަމުރަށް ނުކިޔަމަންތެރިވި ނަމަވެސް ފުލުހުންނަށް ތަޅާ އަނިޔާ ނުކުރެވޭނެ ކަމަށް އެތަނަށް އެއްވި މީހުން ވަނީ ބުނެފައެވެ.
އެނގިފައިވާ ގޮތުގައި ފުލުހުން އެމީހާ ހައްޔަރުކޮށްފައިވަނީ މަސްތުވާތަކެތީގެ މައްސަލައެއްގައެވެ
