ހޮލީވުޑް ފިލްމް، ”ޑެޑްޕޫލް“ގެ ކޮސްޓިއުމް ލައިގެން ވެލާނާ އިންޓަނޭޝަނަލް އެއާޕޯޓުގައި އުޅުނު މީހަކާ ފުލުހުން ރޭ ސުވާލުކުރުމަށް ފަހު ދޫކޮށްލައިފި އެވެ.
”ޑެޑްޕޫލް އެންޑް ވޮލްވެރިން“ގެ ހެދުމުގައި ޓާމިނަލް ތެރޭގައި މީހަކު އުޅެނިކޮށް ސޯޝަލްމީޑިއާގައި ވަނީ ވީޑިއޯއެއް އާއްމުވެފަ އެވެ.
ފުލުހުން ބުނީ ”ޑެޑްޕޫލް އެންޑް ވޮލްވެރިން“ގެ ހެދުމުގައި ޓާމިނަލް ތެރޭގައި އުޅުނު މީހަކާ ސުވާލުކޮށްފައިވާ ކަމަށާއި އޭނާ އެ ހެދުމުގައި އެއާޕޯޓަށް ދިޔައީ ރައްޓެއްސަކު ބަލާ ކަމަށް ބުނެފައިވާ ކަމަށެވެ.
އެހެންވެ މައުލޫމާތު ސާފުކުރުމަށް ފަހު ފުލުހުން އޭނާ ދޫކޮށްލީ އެވެ.
