ޕްރޮސެކިއުޓާ ޖެނެރަލް ޙުސައިން ޝަމީމަށް ބަޔަކު ހަމަލާދީފިއެވެ.
މިއަދުގެ ފަތިހުގެ ވަގުތެއްގައި ޝަމީމަށް ހަމަލާދިނީ ސައިކަލެއްގައި އައި ދެ މީހަކު ހަތިޔާރެއް ބޭނުންކޮށްގެންނެވެ.
ފުލުހުން ބުނީ އެއީ ތޫނު ހަތިޔާރެއް ކަމަށް ނުބެލެވޭ ކަމަށެވެ. މައުލޫމާތު ލިބިފައިވާ ގޮތުން ޝަމީމަށް ހަމަލާދިނީ ދަނގަޑުބުރިއެއްފަދަ އެއްޗަކުންނެވެ.
ހަމަލާ އަމާޒުވީ ވައަތަށެވެ. އެގޮތުން އެ އަތުގެ ކަށިގަނޑުގައި ވަނީ ރެނދުލައިފައެވެ.
މި ހަމަލާއާ ގުޅިގެން ޝަމީމް ގެންދަވަނީ އޭޑީކޭ ހޮސްޕިޓަލުގައި ފަރުވާ ހޯއްދަވަމުންނެވެ.
“އެމަނިކުފާނުގެ ހާލު މިހާރު ރަނގަޅު.“ ޕީޖީ އޮފީހުން ބުންޏެވެ.
މި ހަމަލާއާ ގުޅިގެން މޯލްޑިވްސް ނޭޝަނަލް ޑިފެންސް ފޯސްއިން ވަނީ ޝަމީމްގެ ސެކިއުރިޓީ އިތުރަށް ވަރުގަދަ ކޮށްފައެވެ.
