ކުރީގެ ނައިބު ރައީސް ފައިސަލް ނަސީމް ޖުމްހޫރީ ޕާޓީ (ޖޭޕީ) އިން ވަކިވެވަޑައިގެންފިއެވެ.
ފައިސަލް ޖޭޕީން ވަކިވެވަޑައިގެންފައިވީ ނަމަވެސް އެ މަނިކުފާނު މިހާތަނަށް އިތުރު ޕާޓީއަކާ އަދި ގުޅިވަޑައިގެންފައެއް ނުވެއެވެ. ނަމަވެސް މި މަހު 13 ގައި ބޭއްވި މާލޭ ސިޓި ކައުންސިލްގެ ބައި އިލެކްޝަންގައި ފައިސަލް ވަނީ އެމްޑީޕީގެ ކެނޑިޑޭޓުންނަށް ތާއީދުކޮށް ކެމްޕޭންގައި ބައިވެރިވެ ވަޑައިގެންފައެވެ.
ފައިސަލް ވަނީ 2005 ވަނަ އަހަރު އެމްޑީޕީ އުފެއްދުމާ އެކު އެ ޕާޓީއަށް ސޮއި ކުރައްވާފައެވެ. އޭގެ ފަހުން، 2008 ވަނަ އަހަރު ޤާސިމް އިބްރާހިމް ޖޭޕީ އުފެއްދެވުމާ އެކު ފައިސަލް ވަނީ އެމްޑީޕީން ވަކިވެވަޑައިގެން އެ ޕާޓީއަށް ސޮއިކުރައްވާފައެވެ.
