ރާއްޖޭގެ އޭވިއޭޝަން ދާއިރާ ކުރިއެރުވުމާ ގުޅޭ މަޝްވަރާތައް ކުރުމަށް އެ ދާއިރާގެ ސްޓޭކްހޯލްޑަރުން ހިމެނޭ ފޯރަމެއް ބާއްވަން މީޑިއަމް އިވެންޓްސް އިން ނިންމައިފިއެވެ.

މި ފޯރަމްގެ މަޤުސަދަކީ، އޭވިއޭޝަން ދާއިރާގައި އޮޕަރޭޝަނަލް ގޮތުންނާއި ސިޔާސަތުގެ ގޮތުން ރައްކާތެރިކަމާއި ވަސީލަތްތަކުގެ ގޮތުން ދިމާވާ މައްސަލަތަކަށް ހައްލު ހޯދުމެވެ.

މީޑިއަމް އިވެންޓްސް އިން ނެރުނު ބަޔާނެއްގައި ބުނީ އޭވިއޭޝަން ފޯރަމް ބާއްވާނީ އަންނަ އަހަރުގެ އޭޕްރިލް މަހުގެ 27 ވަނަ ދުވަހު ކަމަށެވެ. 

އެގޮތުން މި ފޯރަމުގައި ރާއްޖޭގެ އޭވިއޭޝަން ސިނާއަތް ހަރުދަނާ ކުރުމަށް ސްޓޭކްހޯލްޑަރުންގެ މެދުގައި މުހިންމު މަޝްވަރާތަކެއް ކުރިއަށްދާނެއެވެ.  

މީޑިއަމް އިވެންޓްސް އިން ބުނީ މި ފޯރަމް ވާނީ އޭވިއޭޝަން ސިނާއަތުގެ ގިނަ މައްސަލަތަކަކަށް ހައްލު ލިބޭނޭ ފޯރަމަކަށް ކަމަށެވެ. 

މީގެ އިތުރުން އޭވިއޭޝަން އިންޑަސްޓްރީ ބައްޓަން ކުރުމުގައި މި ފޯރަމް ވާނީ މުހިންމު ތަނބަކަށް ކަމަށްވެސް މީޑިއަމް އިވެންޓްސް އިން ހާމަކުރެއެވެ.