އަރްމޭނިއާގެ ނަސްލީ ހަނގުރާމަ ވެރިންނާއި އަޒަރްބާޖާންގެ ސިފައިންނާ ދޭތެރޭ ހިނގަމުންދިޔަ ދެކޮޅުވެރި ޙަމަލާތައް ހުއްޓުމަކަށް ގެނައުމަށް ރަޝިޔާގެ ސުލްޙަބަލަހައްޓާ ސިފައިންގެ ބާރުގައި ގާއިމްކުރެވުނު އެއްބަސްވުމުގެ މައްޗަށް ބިނާކޮށް އަރްމީނިޔާގެ ހަނގުރާމަވެރިން އަމާންދީ އެމީހުންގެ ހަތިޔާރުތައް ބަހައްޓައިފިކަމަށާއި އެސަރަޙައްދުވެސް ދޫކޮށް ހިނގައްޖެއެވެ.
މިކަން އަޒަރްބާއިޖާންގެ ރައީސް އިލްހާމް އަލީޔޭވް އަޢި އަދި އެގައުމުގެ ދިފާއީ ވުޒާރާއިން ވެސް ވަނީ ކަށަވަރު ކޮށްދީފައެވެ. އަޒަރްބާޖާންގެ ޚާރިޖިއްޔާގެ ތަރުޖަމާނު އައިޚާން ހާޖީޒާދާ އަލްޖަޒީރާއަށް ދެއްވި ބަސްދީ ގަތުމެއްގައި ވިދާޅުވީ ވަކިވެގަތުމަށް މަސައްކަތްކުރާ އާރްމޭނިޔާ ނަސްލުގެ ހަނގުރާމަވެރި ޖަމާއަތްތަކުން ހަތިޔާރު ބަހައްޓަން މި އެއްބަސްވުމުގެ ދަށުން އެމީހުނަށް މަޖުބޫރު ވާނެއެވެ.
އަދި އަޒަރްބާޖާނާއެކު ސުލްޙައިގެ މަގު އިޚްތިޔާރު ކުރުން ނޫންގޮތެއް މީގެފަހުން އެމީހުންނަކަށް ނޯންނާނެއެވެ. މި ކުރިމަތިލުންތަކާއި ގުޅިގެން ރައީސް ޕޫޓިންގެ ތަރުޖަމާނު ދިމިތުރީ ޕެސްކޯވް އާރ އައި އޭ ނޮވޯސްޓީއަށް ދެއްވި ބަސްދީ ގަތުމެއްގައި ވިދާޅުވެފައިވަނީ އަރްމޭނިޔާގެ ސިފައިން ވަދެގަނެ ދެކޮޅުވެރިކަން ހިންގަމުން ގެންދާ ނަގޯރނޯކަރަބާހަކީ އަޒަރްބާޖާންގެ ސަރަޙައްދު ތަކެއް ކަމަށެވެ.
ނަގޯރނޯ ކަރަބާހަކީ ރަޝިޔާ ބައިބައިވެގެން ދިޔައިރު ވަކި ގައުމެއްގެ ގޮތުގައި ކަނޑައެޅިފައިނެތް ސަރަޙައްދެކެވެ. އެސަރަޙައްދު އޮންނަނީ އަޒަރްބާއިޖާނާއި އަރްމޭނިޔާއާއި އިންވެގެންނެވެ.
މި ދެގައުމުން ވެސް ދަޢުވާ ކުރަމުން ގެންދަނީ އެއީ އެ ގައުމުގެ ބައެއް ކަމަށެވެ. އޭގެ ކުރީގައި ސޯވިއެޓް ސޯޝަލިސްޓް ރިޕަބްލިކްގެ ޒަމާނުގައި 1923 ވައަހަރު ޖުލައި 23 ވަނަ ދުވަހު އެ ސަރަޙައްދަކީ އަޒަރބާޖާނުގެ ތެރޭގައި ހިމެނޭ މިނިވަން ސަރަޙައްދެއް ކަމަށާއި އަދި އެސަރަޙައްދުގެ ވެރިރަށަކީ ސްޓެޕަނާކާރޓް ކަމުގައިވަނީ ކަނޑައަޅާފައެވެ. 1991 ނޮވެމްބަރ 26 އާއި ހަމަޔަށް އެކަން އޮތީ އެގޮތަށެވެ. އޭގެފަހުން ބައިނަލް އަގްވާމީގޮތުން އެއީ އަޒަރްބާޖާންގެ ސަރަޙައްދެއްކަމުގައި ވަނީ ކަނޑައަޅާފައެވެ.
އެހެންނަމަވެސް އެ ސަރަޙައްދުގެ ބޮޑުބޭބެ ރަޝިޔާއިން އަރްމޭނިޔާގެ ކޮޅަށްބުރަވެ ހަމަހިމޭނުން ތިބުމުގެ ސަބަބުން ދޭތެރޭ ދޭތެރޭން ދެގައުމުގެ މެދުގައި ކުރިމަތިލުން ހިނގަމުންދެއެވެ. އެސަރަޙައްދުގެ އާބާދީގައި ގިނައީ އަރްމޭނިޔާ ނަސްލުގެ މީހުންނެވެ.
އަޒަރްބާޖާނުންނާއި އަދި އަރްމޭނިޔާއިންވެސް އެއީ އެގައުމުގެ އާރޓްސަޚް ޖުމްހޫރިއްޔާ ކަމުގައި ކަނޑައަޅައިގެން ތިބޭތާ ގިނަ އަހަރު ތަކެއް ވެއްޖެއެވެ. އެހުރިހާ ދުވަހު ރަޝިޔާއިންވެސް މިކަމުގައި އަރްމޭނިޔާގެ ކޮޅަށް ބުރަވެ ހަމަ ހިމޭނުންތިބުން އޮތީ އިޚްތިޔާރު ކޮށްފައެވެ.
ކުއްލިއަކަށް 2023 ވަނަ އަހަރު ސެޕްޓެމްބަރު 20 ވަނަ ދުވަހު ރަޝިޔާއިންވެސް ނިންމާފައި އެވަނީ އެއީ އަޒަރބާޖާންގެ ސަރަޙައްދެއް ކަމަށެވެ. މިކަމއިގުޅިގެން އަރްމޭނިޔާއިން ގެންދަނީ “ އަހަރެމެންނަށް ލަނޑުދިނީ ކަމަށް ބުނެ ”ރަޝިޔާއާއި ރައީސް ޕޫޓިންނަށް ނުރުހުން ފާޅުކުރަމުންނެވެ.
އަދި އަޒަރްބާއިޖާނުން ދެމުންގެންދާ ޙަމަލާތަކަށް ރަޝިޔާގެ ޕީސްކީޕަރުންނާއި ރައީސް ޕޫޓިންގެ ތަރުޖަމާނު ޕެސްކޯވް ވެސްހުންނަވަނީ ލޯމަރާލައިގެން ކަމަށް ތުޙުމަތުކޮށް ފާޑުކިޔަމުންނެވެ.
