ޕީޕީއެމް/ޕީޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުގެ ވެރިކަމެއްގައި އަނިޔާވެރިއެއް ނުވާނެ ކަމަށާއި ވާދަވެރިން އެފަދަ ވާހަކަތައް ދައްކަނީ ދައްކާނެ ވާހަކައެއް ނެތުމުން ކަމަށް ކުރީގެ އިސްލާމިކް މިނިސްޓަރު ޑރ.މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ.މުޢިއްޒުގެ ވާދަވެރިން އެންމެ ބޮޑަށް ދައްކާ ވާހަކައަކީ ޕީޕީއެމްގެ ފުރަތަމަ ވެރިކަމުގައި ހިންގި ކަމަށް ބުނާ އަނިޔާވެރިކަން މުޢިއްޒުގެ ވެރިކަމެއްގައި އިއާދަވާނެ ކަމުގެ ވާހަކައެވެ.
ބ.ކަމަދޫގައި ރޭ ބޭއްވި ޑރ.މުޢިއްޒުގެ ކެމްޕޭން ޖަލްސާގައި ޝަހީމް ވަނީ އަނިޔާއެއް ދީފައި އޮތީ ކޮން އިރަކުތޯ ސުވާލުކުރައްވާފައެވެ.
“އެފަދަ އިލްޒާމެއް ޑރ.މުޢިއްޒުގެ އިސްތަށިފުޅުގައި އަޅުވާނެހައި ޖާގައެއް ނެތް. އެއީ ދައްކާނެ ވާހަކައެއް ނެތުމުގެ ސަބަބުން ކުރާ އިލްޒާމެއް.“
ޝަހީމް ވަނީ އެ ކަންކަމުގެ ފިތުނައިގައި ނުޖެހި ރައްޔިތުން އެއްބައިވަންތަވެ ޑރ.މުޢިއްޒު ރައީސުލްޖުމްހޫރިއްޔާގެ މަގާމަށް ގެންނަންޖެހޭ ކަމަށް ވިދާޅުވެފައެވެ.
2 Responses
ކަލޯ ޝަހީމޫ ޕޕއެމް އަނިޔާމާޒީގައ އޮތީ ވަރަށް ވަރަށް ސާފް
ބަލަސަހީމު ޔާމީނުގެ 5އަހަރާއި،ވަހީދުގެ 2އަހަރު، 7 އަހަރުގައި،ރައްޔަތުންނަށް މުޢިއްޒު އޮޅުނީ ކަމަށްތޯ؟ތިޔަހީކުރީ !ރައްޖޭގައިތިބި، ދެ ލައްކަ މީހުންގެ 4ލައްކަ ލޮލާއި،4ލައްކަ ކަންފަތާއި، ސަހީމުގެ 2ލޮލާއި،2ކަންފަތް އެއް ވަރުކަމަށް ހީކުރީތޯ؟އެ 7އަހަރުގައި،މިރާއްޖޭގެ ރައްޔަތުން ދެކެމުން އާ އަނިޔާވެރިކަމާއި، ނާމާން ބިރުވެރި ކަން އޮޅުވާލަން އުޅުނަސް އެކަމެއް ނުވާނެކަން ހަދާންކުރައްވާތި!