ވެރިކަމަށް ކުރިމަތިލެއްވީ އަނިޔާވެރިކަން ނިންމަން ކަމަށް ޕީޕީއެމް/ޕީއެންސީގެ ރިޔާާާސީ ކެންޑިޑޭޓް ޑރ.މުޙައްމަދު މުޢިއްޒު ރޭ ވިދާޅުވެއްޖެއެވެ.
ބ.ކަމަދޫގައި ރޭ ބޭއްވި ޖަލްސާގައި ޑރ.މުޢިއްޒު ވިދާޅުވީ ވެރިކަމަށް ކުރިމަތިލެއްވީ އަނިޔާވެރިކަން ނިންމަން ކަމަށާއި
ނަފްސާނީ ގޮތުން ދޭ އަނިޔާ އަކީ ވެސް އަނިޔާ ކަމަށެވެ.
“ސިޔާސީ ގޮތުން އަޅުގަނޑަށް ތާއީދުކޮށްފިނަމަ ވަޒީފާއިން ވަކިކުރާނެ ކަމަށް ބުނެ ނަފްސާނީ އަނިޔާ އެބަދޭ.“
މުޢިއްޒު ވިދާޅުވީ އޭނާގެ ސަރުކާރުވާނީ ރައްޔިތުން އެދޭފަދަ އިންސާފުވެރި ޢަދުލުވެރި އަނިޔާވެރިކަން ނިމުމަކަށް ގެނެސްދޭނެ ސަރުކާރަކަށް ކަމަށެވެ. އަދި އޭނާގެ ވެރިކަން ވާނީ ހިތްހަމަޖެހުމާއި އުފަލާއިއެކު ދިރިއުޅުން އާރާސްތުކުރެވޭ ވެރިކަމަކަށް ކަމަށް ވެސް މުޢިއްޒު ވިދާޅުވިއެވެ.
