އާބާދީގެ ސަބަބުން ނުވަތަ ސިޔާސީ ފިކުރުގެ ސަބަބުން ތަފާތެއް ނުކުރާނެ ކަމަށާއި އޭނާގެ ސަރުކާރުގެ މައިގަނޑު ފިލޯސަފީއަކީ އެއީ ކަމަށް ޕީޕީއެމް/ޕީއެންސީގެ ރިޔާާާސީ ކެންޑިޑޭޓް ޑރ.މުޙައްމަދު މުޢިއްޒު ރޭ ވިދާޅުވެއްޖެއެވެ.

މިއަދު ހެނދުނު ބ.ފެހެންދުއަށް ވަޑައިގެން އެ ރަށުގެ ރައްޔިތުންނާ ބައްދަލު ކުރައްވައި ޑރ.މުޢިއްޒު ވިދާޅުވީ އޭނާގެ ސަރުކާރުގައި އާބާދީގެ ސަބަބުން ނުވަތަ ސިޔާސީ ފިކުރުގެ ސަބަބުން ތަފާތެއް ނުކުރާނެ ކަމަށެވެ. 

“އެއީ އަޅުގަނޑުމެންގެ ސަރުކާރުގެ މައިގަނޑު ފިލޯސަފީއަކީ“ މުޢިއްޒު ވިދާޅުވިއެވެ.

މުޢިއްޒު ވިދާޅުވީ މިހާ ދުވަސްވީއިރު ވެސް އެ ރަށަށް އަޅާނުލެވި ބާކީ ކުރެވުމުގެ ސަބަބުން ދިމާވެފައިވާ ކަންކަން ހައްލުކޮށްދެއްވާނެ ކަމަށެވެ.

އެގޮތުން ސިއްހީ މަރުކަޒަށް ކުރިއެރުން ގެނެސްދޭނެ ކަމަށާއި

އާބާދީގެ ނިސްބަތުން ލެބޯޓަރީގެ ޚިދުމަތްދޭނެ ކަމަށް މުޢިއްޒު ވިދާޅުވިއެވެ. އަދި އެކަށީގެންވާ ފެންވަރެއްގެ ޓީޗަރުންކަންކަން ހަމަޖައްސައިދޭނެ ކަމަށާއި ރަނގަޅު ފެންވަރުގައި ޒަމާނީ ފެންވަރުގައި ގްރޭޑް 1 އިން 6 އަށް ހަމަޖައްސައިދީ މަތީ ގްރޭޑް އިތުރަށް ރަނގަޅު ކޮށްދޭނެ ކަމަށް ވެސް މުޢިއްޒު ވިދާޅުވިއެވެ.

މީގެއިތުރުން ރަށް ގިރުމުގެ މައްސަލަ ހައްލު ކޮށްދޭނެ ކަމަށާއި

އެ ރަށުގައި ހުއްޓިފައިވާ ނަރުދަމާ ކުރިއަށް ގެންދާނެ ކަމަށާއި އެ ރަށަށް ބޭނުންވާ ފެންވަރުގެ މިސްކިތެއް އަޅައިދޭނެ ކަމަށާއި ދަނޑުވެރިކަމުގެ ސިނާއަތް ފުޅާކުރުމަށް އިންޓެންސިވް ދީ އުފައްދާ ތަކެތި ވިއްކޭނެ ގޮތް ހައްދައިދޭނެ ކަމަށް މުޢިއްޒު ވިދާޅުވިއެވެ.