އިންޑިއާއިން ރާއްޖެއަށް 7,000 އަށްވުރެ ގިނަ ފޮތް ހަދިޔާކޮށްފިއެވެ.

ޖަމާލުއްދީން ސްކޫލުގައި އިއްޔެ ބޭއްވި ރަސްމިއްޔާތެއްގައި މި ފޮތްތައް ހަވާލުކޮށްދެއްވީ އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރެވެ.

ސަރުކާރުގެ ފަރާތުން ފޮތްތަކާ ހަވާލުވެވަޑައިގަތީ އެޑިއުކޭޝަން މިނިސްޓަރު ޑރ.ޢާއިޝަތު ޢަލީއެވެ.

އިއްޔެ ބޭއްވި ރަސްމިއްޔާތެއްގައި ހަދިޔާކުރީ 7,115 ފޮތެވެ.

 މިއީ މި އަހަރުގެ ކުރީކޮޅު އިންޑިއާގެ ފޮރިން މިނިސްޓަރު ޑރ.ޖައިޝަންކަރު ރާއްޖެއަށް ކުރެއްވި ރަސްމީ ދަތުރުފުޅުގައި އިއުލާނުކުރެއްވި 215 ސްކޫލެއްގައި “އެންރިޗިންގ ސްކޫލް ލައިބްރަރީޒް ޕްރޮޖެކްޓް“ ގެ ދަށުން ހަދިޔާކުރުމަށް ހަމަޖެހިފައިވާ 10,000 އަށްވުރެ ގިނަ ފޮތުގެ ފުރަތަމަ ބެޗެވެ.