އަތޮޅުތެރޭގެ އިތުރު ހަތަރު ސްކޫލެއް ސެޓްލައިޓްކޮށް ސްކޫލު ގާއިމްކޮށް ކިޔަވައިދޭން ފަށައިފިއެވެ.
މިދިޔަ އަހަރު ވަނީ ބ. ފެހެންދު އާއި ވ. ތިނަދޫގައި ސެޓްލައިޓް ސްކޫލު އަޅައި ކިޔަވައިދޭން ފަށާފަ އެވެ.
މިއަދު ފެށުނު ދިރާސީ އާ އަހަރާއެކު ވަނީ އިތުރު ހަތަރު ސްކޫލެއްގައި ސެޓްލައިޓްކޮށް ކިޔަވައިދޭން ފަށާފައެއެވެ. އެއީ ވ. ރަކީދޫ ސްކޫލާއި ބ. ފުޅަދޫ ސްކޫލާއި ގއ. ކޮނޑޭ ސްކޫލުގެ އިތުރުން އދ. ދިއްދޫ ސްކޫލުގައެވެ.
އެއާއެކު ސެޓްލައިޓް މަހްފޫމްގެ ދަށުން ކިޔަވައިދޭ ސްކޫލުތަކުގެ އަދަދު މިވަނީ ހަ އަކަށް އަރައިފައެވެ.
ސެޓަލައިޓް ސްކޫލުތަކުގައި ކިޔަވައިދެނީ އޮންލައިންކޮށެވެ. ނަމަވެސް ސެޓަލައިޓް ސްކޫލުތައް އޮންލައިން ކްލާސްތަކާ ތަފާތުވަނީ ވީޑިއޯ އާއި ވެބިނާތަކާއި ލައިވްސްޓްރީމްތަކާއި އެންމެ ފަހުގެ ތައުލީމީ ކަންކަން ވެސް ހިމެނޭތީ އެވެ.
އެޑިޔުކޭޝަން މިނިސްޓްރީން ސެޓްލައިޓް ސްކޫލުގެ ސެންޓްރަލް ސްކޫލެއްގެ ގޮތުގައި ހަމަޖައްސާފައި ވަނީ ހުޅުމާލެ ހުރަވީ ސްކޫލެވެ. އެ ސްކޫލުގައި ސެޓަލައިޓް ސްކޫލުތަކަށް ހާއްސަ ޓީޗަރުން ތިބޭނެ އެވެ.
