ޕީޕީއެމްގެ ރިޔާސީ ކެނޑިޑޭޓް ރައީސް ޔާމީން ޢަބްދުލްޤައްޔޫމްގެ ކެންޑިޑެންސީ ބަލައިނުގަންނަން އިލެކްޝަންސް ކޮމިޝަނުން ނިންމައިފިއެވެ.
ޕީޕީއެމްއިން ރައީސް ޔާމީީންގެ ކެންޑިޑެންސީ ފޯމު އީސީއަށް ހުށަހެޅީި މިއަދު ހެނދުނުއެވެ.
ރައީސް ޔާމީން މިހާރު ގެންދަވަނީ 11 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.
ރިޔާސީ އިންތިޚާބަށް ކުރިމަތިލާ މީހުންގެ ޝަރުތުތަކުގެ ތެރޭގައި ޖިނާއީ ކުށެއް ކުރިކަން ސާބިތުވެގެން 12 މަސްދުވަހަށްވުރެ ދިގު މުއްދަތެއްގެ ހުކުމެއް ކުރެވިފައިވާ މީހަކުނަމަ އެ ހުކުމް ތަންފީޒުކޮށް ނިމުނުތާ ނުވަތަ އެ ހުކުމުން ކަނޑައެޅުނު އަދަބު މައާފުކުރެވުނުތާ ތިން އަހަރު ވެފައިވާ މީހަކު ކަމުގައިވާން ޖެހެއެވެ.
އީސީގެ ގާނޫނީ ޓީމުން އެ ކޮމިޝަނުގެ މެންބަރުންނަށް ލަފާދެއްވީ ރައީސް ޔާމީނަށް އިއްވާފައިވާ ޖަލު ހުކުމް އެއްވެސް ކޯޓަކުން ބާތިލުނުކޮށް ދެމި އޮތުމުން ގާނޫނު އަސާސީގައި ބަޔާންކުރާ ޝަރުތެއް ފުރިހަމަނުވާ ކަމަށެވެ. އެހެންވެ ކޮމިޝަނުން ނިންމީ ޔާމީންގެ ކެންޑިޑެންސީ ބަލައިނުގަތުމަށެވެ.
ޕީޕީއެމްއިން ބުނީ ރައީސް ޔާމީންގެ ކެންޑިޑެންސީ ބަލައިނުގަންނަން ނިންމި ނިންމުމަކީ ސައްހަ ނިންމުމެއް ކަމަށް ނުދެކޭ ކަމަށާއި އެ ނިންމުން ބަލައި ނުގަންނަ ކަމަށެވެ. އެގޮތުން އެ ނިންމުން ސްޕްރީމް ކޯޓަށް ހުށަހެޅުމަށްޓަކައި ކުރަންޖެހޭ އެންމެހައި މަސައްކަތްތައް ޔާމީން ވަކީލުންގެ ޓީމުން ކުރިއަށް ގެންދަވާ ކަމަށެވެ.
ސްޕްރީމް ކޯޓުން އިލެކްޝަންސް ކޮމިޝަންގެ ނިންމުން ބާތިލުކޮށް ރައީސް ޔާމީންގެ ކެންޑިޑަސީގެ ސައްހަކަން ކަށަވަރުވެގެންދާނެކަމީ އެއްވެސް ޝައްކެއް އޮތް ކަމެއް ނޫން ކަމަށް ޕީޕީއެމްއިން ބުންޏެވެ.
3 Responses
ހެހެހެހެ މިތިބަ ޖާހިލު ބޯބުރާންތި ބައެއް! އަދުރޭމެން މޮޅީ ޙުސް ޢެކަނި ހިސާބަކަށެއް ނޫން! ބީތާކަންވެސް ހަމަ އެވަރު!
ތާރީޚަކީ އިއާދަވާއެއްޗެއްކަން މިހިރީ ފެންނަަށެވެ. މީގެ. 5 އަހަރު ކުރިން ތިމާ މީހުނަށް ދެއްކި ބޮޑާ ކިބުރުވެރި ކަމާއި އަނިޔާވެރިކަން އަބުރަާ ދުނިޔޭގައި ތިއޮއް ފެންނަނީއެވެ. އަދި ޢާޚިރަތް އޮތީއެވެ.
ދިވެހިންގެ ސިޔާސީ ފަލްސަފާގައި މީގެކުރިން އަބަދުވެސް އިވެމުންދާއަޑަކީ ގައުމަށްޓަކައި ތިބާއަށް ކޮށްދެވިދާނެ ކަމެއް އިޚްލާސްތެރިކަމާއެކު ކޮށްދިނުމަށް ގޮވަމުންދާ އަޑެވެ. ޑިމޮކްރެސީ އައުމަށްފަހު މިފެންނަނީ ވަކި މީހެއްގެ ފަހަތުން ގައުމު ކޮއްޕާފާ ގެންދަން މަސައްކަތް ކުރާތަނެވެ. މިއީވެސް ޑިމޮކްރެސީގެ އޮޅުވާލުން ތަކުގެތެރޭގައި ހިމެނޭކަމެއް ބާވައެވެ ؟؟؟؟؟