ހަށިވިއްކުމުގެ ތުހުމަތުގައި ދެ ދިވެހިންނާއި ތިން ބިދޭސީއަކު ހައްޔަރުކޮށްފިއެވެ.
ހައްޔަރުކުރީ 38 އަހަރުގެ ދިވެހި ފިރިހެނަކާއި 39 އަހަރުގެ ދިވެހި ފިރިހެނަކާއި ލަންކާއަށް ނިސްބަތްވާ 43 އަހަރުގެ އަންހެނަކާއި ތައިލެންޑަށް ނިސްބަތްވާ 34 އަހަރުގެ ދެ އަންހެނުންނެވެ.
މި 5 މީހުން ހައްޔަރުކުރީ މާލޭގައި ހިންގަމުންދިޔަ އަލޯރާ ސްޕާ އެންޑް ސެލޫން ހަށިވިއްކަމުންދާކަމުގެ މައުލޫމާތު ލިބިގެން ފުލުހުންނާއި އިމިގުރޭޝަން ގުޅިގެން މި މަހުގެ 20 ވަނަ ދުވަހު ހިންގި އޮޕަރޭޝަނެއްގައެވެ.
ފުލުހުން މިއަދު ބުނީ އޭގެތެރެއިން ބައެއް މީހުން ހައްޔަރުކުރީ ނިވާކަން ކުޑަކޮށް ތިއްބައިކަމަށެވެ. އަދި 3 އަހަރުގެ ދިވެހި ފިރިހެން މީހާގެ ބަންދަށް ކްރިމިނަލް ކޯޓުން އިއްޔެ 10 ދުވަސް, 39 އަހަރުގެ ދިވެހި ފިރިހެން މީހާގެ ބަންދަށް 5 ދުވަސް އަދި ތިން އަންހެނުންގެ ބަންދަށް ޖެހީ 15 ދުވަސް ޖަހާފައިވާ ކަމަށެވެ.
