އެމްޑީޕީގެ ރައީސް މުޙައްމަދު ނަޝީދު އެ ޕާޓީން ވަކިވެވަޑައިގެންފިއެވެ.
ރައީސް ނަޝީދު މިއަދު ކުރެއްވި ޓުވީޓެއްގައި ވަނީ އިސްތިއުފާގެ ސިޓީ އާންމުކުރައްވައިފައެވެ.
ނަޝީދުގެ ސިޓީގައި ވިދާޅުވެފައިވަނީ ރާއްޖޭގައި މިވަގުތު ކަންކަން ހިނގަމުންދާ ގޮތަށް ބަލާއިރު, އެމްޑީޕީގައި ހުންނެވުން އެއީ އެންމެ ރަނގަޅު ގޮތް ކަމަށް ނޫން ކަމަށެވެ.
ރާއްޖޭގައި މިވަގުތު ކަންކަން ހިނގަމުންދާ ގޮތަށް ބަލައި އަޅުގަނޑު ތިޔަ ޕާޓީގައި ހުރުން އެއީ އެންމެ ރަނގަޅު ގޮތް ކަމަށް ނުދެކޭ ކަމުން އަޅުގަނޑު ތިޔަ ޕާޓީން ވަކިވި ވާހަކަ ދެންނެވީމެވެ.“ ޗެއާޕާސަން ފައްޔާޟް އިސްމާޢީލަށް ލިޔުއްވި ސިޓީގައިވެއެވެ.
އެމްޑީޕީން ވަކިވެވަޑައިގަންނަވާނެތޯ ނޫސްވެރިން ތަކުރާރުކޮށް ސުވާލު ކުރުމުން މި މަހުގެ 19 ވަނަ ދުވަހު ނަޝީދު ވިދާޅުވީ އެމްޑީޕީ ދޫނުކުރައްވައި ހުންނެވީ އެ ޕާޓީ ޑިމޮކްރެޓްސް ތެރެއަށް ގެނައުމުގެ ނިޔަތުގައި ކަމަށާއި ސެޕްޓެމްބަރު 9 ގެ ފަހުން އެ މަސައްކަތް ހިނގާނެ ކަމަށެވެ. އަދި އެމްޑީޕީގައި މި ހުންނަވަނީ އެމްޑީޕީ “އަތުލުމަށް“ ކަމަށާއި އެކަން ކުރައްވާނެ ކަމަށެވެ.
One Response
މީ މަބުނާވާހަކަ. އެއްޔެ ޔާމީނުވަގޭ މަށޭ ޕޕމ ގައި ކަތުރުފަނި އެޅުވީ . މަށަށް އިނގެޔޭ އަދީބު ނައިބުރައީސް އަކަށް ހެދީމާ އެކަލޭގެ ހިތް ސިދުރަތުލް މުންތަހަޔަށް ދާނެކަން. އަދީބު ބޭނުންކޮށްގެން ޔާމީނު ނުކުރާ ވައްކަންވެސް އޭނާ ބޮލުގައި އަޅުވާފަ ޝޭކް އިމްރާން ލައްވާ ގުރުއާނާ ހަދީސްކިޔާދީ މީހުންގެ މަރުތައްވެސް ޔާމީނު ބޮލުގައި އަޅުވާ އެ ވެރިކަން ދުއްވާލީއްޔޭ ބުނެ ގޮވާފަ މިއަދު ޔާމީނާއެކު މަސައްކަތްކުރަން އަމިއްލަ އޮޑި ފައްތާލައިފާ ނިކުމެ ހަމަ މަވަރެއްނެތް!!
މަ ހިތައްއަރަނީ މަމެން ދިވެހިން މިތިބެނީ އެއްޗެއް ބޮވިފަހޭ؟ ހަމަ އޯކޭގެން ސަނާކިޔާ ގުޅިގެން ސަކަރާތްވެސް ޖަހަން.