މާލޭގެ ގެއެއްގެ ތެރޭގައި ރަހީނުކޮށްފައި ތިއްބައި ސަލާމަތްކުރި ތިން ދިވެހިންނަށް އައިޖީއެމްއެޗްގައި ފަރުވާ ދިނުމަށް ފަހު ދޫކޮށްލައިފި އެވެ.
ފުލުހުން ބުނީ އެމީހުންނަށް ސީރިއަސްް އަނިޔާއެއް ލިބިފައި ނުވާކަމަށާއި، މިހާރު އެމީހުން ގެއަށް ދޫކޮށްލާފައި ވާކަމަށެވެ.
ރަހީނުކޮށްފައި ތިބި ތިން ދިވެހިން ސަލާމަތް ކުރީ އަބަދަށް އުފާ މަގުގައި ހުރި ގެއެއްގެ ދޮރު ވައްޓާލައި އެގެއަށް ވަދެއެވެ. ފުލުހުން ބުނި ގޮތުގައި އެ މީހުންނަށް އެކިވަރުގެ އަނިޔާވަނީ ދީފައެވެ.
އެ މައްސަލައިގައި މިހާތަނަށްވަނީ ކުޑަކުއްޖަކާއި 18 އަހަރުން މަތީގެ މީހަކު ހައްޔަރުކޮށްފައެވެ.
ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.
