އެމެރިކާގެ ވޮޝިންގޓަންގައި ދިވެހި އެމްބަސީއެއް އިއްޔެ ހުޅުވައިފިއެވެ.
މި އެމްބަސީ ހުޅުވުމަށް ބޭއްވި ރަސްމިއްޔާތު ޝަރަފްވެރިކޮށްދެއްވީ ފޮރިން މިނިސްޓަރު ޝާހިދެވެ. މި ރަސްމިއްޔާތުގައި އެމެރިކާގެ ސްޓޭޓް ޑިޕާޓްމަންޓުގެ އެސިސްޓެންޓް ސެކްރެޓަރީ ޑޮނަލްޑް ލޫ ވެސް ބައިވެރިވެވަޑައިގެންނެވިއެވެ.
ލޫ ވިދާޅުވީ މިއީ ދެ ގައުމުގެ ގުޅުން ވަރުގަދަވެގެންދާނެ ކަމެއް ކަމަށެވެ.
މި އެމްބަސީ ހުޅުވުމުގެ ކުރިން އެމެރިކާއިން ރާއްޖެއާއެކު ޚާރިޖީ މުއާމަލާތްތައް ކުރީ ލަންކާގައި ހުންނަ އެމެރިކާގެ އެމްބަސީ މެދުވެރިކޮށެވެ. އެމެރިކާގައި ރާއްޖެ ތަމްސީލު ކުރަނީ އދ. ގައި ހުންނަ ރާއްޖޭގެ މިޝަން މެދުވެރިކޮށެވެ.
ދިވެހި އެމްބަސީއެއް މީގެކުރިން ރައީސް މައުމޫނު ޢަބްދުލްޤައްޔޫމްގެ ދައުރުގައި ހުޅުވިއެވެ. ނަމަވެސް އެމްބަސީ ހިންގަން ދިމާވި ބަޖެޓްގެ ދަތިކަމާހުރެ 2008 ގައި ރައީސް މުޙައްމަދު ނަޝީދު ވެރިކަމަށް ވަޑައިގެންނެވި ފަހުން އެ އެމްބަސީ ބަންދުކުރީއެވެ.
އެމެރިކާގެ އެމްބަސީއެއް މިހާރު ރާއްޖޭގައި ހުރެއެވެ. އެ އެމްބަސީ ހުންނަނީ ހުޅުމާލޭގައި ހުންނަ ޢުމަރުޒާހިރު އޮފީހުގައެވެ.
