ސައިކަލަކާއި ބަހެއް ޖެހި ހުޅުމާލޭގައި އެކްސިޑެންޓެއް ހިނގައިފިއެވެ.
ފުލުހުންގެ މިއަދު ބުނީ، ހުޅުމާލޭ ދެވަނަ ފިޔަވަހީގެ ގުލްހަޒާރުމާހިނގުމާއި ދުނބުރިގަސް މަގު ގުޅޭ ކަންމަތިން ބަހަކާއި ސައިކަލެއް ޖެހި އެކްސިޑެންޓްވެފައިވާ ކަމުގެ މައުލޫމާތު މިއަދު ހެނދުނު 8:51 ގައި ލިބިފައިވާ ކަމަށާއި އެ އެކްސިޑެންޓްގައި 19 އަހަރުގެ ދިވެހި ފިރިހެނަކަށް އަނިޔާވެފައިވާ ކަމަށެވެ.
އެކްސިޑެންޓްގައި އަނިޔާވި މީހާއަށް ހުޅުމާލޭ ހޮސްޕިޓަލުގައި ފަރުވާދެމުން އަންނައިރު، އޭނާއަށް ލިބުނު އަނިޔާގެ ތަފްސީލެއް ލިބިފައެއް ނުވެއެވެ،
އެނގިފައިވާ ގޮތުގައި އެކްސިޑެންޓް ހިނގީ އާރްޓީއެލްގެ ބަހެއްގައި ޖެހިއެވެ.
