އިންސައިޑަރުން މިއަދުގެ އެންމެ ހޫނު ޚަބަރުތަކުގެ ތެރޭގައި އެމެރިކާގައި ދިރިއުޅޭ ޕާކިސްތާނު ދަރިކޮޅު، އެމެރިކާގެ ރައްޔިތަކު 30 މިލިއަން އެމެރިކާ ޑޮލަރާއެކު އެމެރިކާގައި ހުންނަ ތުރުކީގެ އެމްބަސީއަށް ދިން ޚަބަރު ވަރަށް ކުލަ ގަދަކޮށް ފާހަގަ ކުރަމުން އެބަ ގެންދެއެވެ. 

ޚަބަރުތައް ބުނާގޮތުގައި އޭނާގެ ބޭނުމަކީ ތުރުކީގައި ބިންހެލުމުގެ ސަބަބުން ޙާލުގައި ޖެހިފައިތިބި މީހުންނަށް އެހީތެރިވެ ދިނުމެވެ. 

އަދި މި ބޮޑު އެހީ ދިނުމުގައި އޭނާގެ ވަނަވަރު ހާމަކުރަން ބޭނުން ނުވާކަމަށް އޭނާ އެދިފައިވެއެވެ.

ޚަބަރު ތަކުން އެނގޭ ގޮތުގައި ބިންހެލުމުގައި މަރުވެފައިވާ މީހުންގެ އަދަދު މިހާރު އުޅެނީ 28000 ހާހަށްވުރެން މަތީގައެވެ.

ޕާކިސްތާނުގެ ބޮޑުވަޒީރު ޝާހްބާޒް ޝަރީފް ވިދާޅުވިގޮތުގައި ޕާކިސްތާނަށް ނިސްބަތް ކުރެވޭ ބޭފުޅަކުގެ ފަރާތުން އިންސާނިއްޔަތަށްޓަކައި މި ކުރެއްވި ހޭދައިގެ މަޢުލޫމާތު ލިބިވަޑައިގަތުމާއިއެކު އުފަލުންގޮސް ބަސްހުއްޓުނެވެ. 

އެމަނިކުފާނުގެ ޓްވީޓުގައި އިތުރަށް ލިއުއްވާފައިވަނީ އިންސާނިއްތަށްތަކައި މިފަދަ ހޭދަކުރުންތަކަށް އަމިއްލަ އެދުމެއްނެތި އިޖާބަ ދެވޭފެންވަރުގެ ޕާކިސްތާނަށް ނިސްބަތްކުރެވޭ ވިޔަފާރިވެރިން ތިބުން އެއީ މުޅިދުނިޔެއިން މިސާލު ނަގަންޖެހޭ ކަމެއްކަމަށެވެ.

ޕާކިސްތާނުގެ ސަރުކާރުންވެސް ތުރުކީއަށް އެހީތެރިވެ ދިނުމުގެގޮތުންރައްޔިތުންގެ ފަރާތުންވެސް އެހީތެރިކަން ހޯދުމުގެ މަޝްރޫއެއް ހިންގަމުން އެބަ ގެންދެއެވެ. ޕާކިސްތާނުގެ ޑިޒާސްޓަރ މެނޭޖްމެންޓް އޮތޯރިޓީންއ ހާމަކުރިގޮތުގައި ތުރުކީ އަޚުންނާއި އުޚުތުންނަށް އެހީތެރިކަން ފޯރުކޮށް ދިނުމުގެގޮތުން ދެ ކޮންސައިންމެންޓެއް މިހާރު ވަނީ ފޮނުވާފައެވެ.

އިންސައިޑަރ އިން ޚަބަރުދިފައިވާ ގޮތުގައި ތުރުކީ ސީރިއާ ސަރަހައްދަށް މިއައި ބިންހެލުމަކީ މިއީ މުޅިގަރުނުގެ އެންމެ ފަނާކުރަނިވި ކާރިސާ ކަމަށާއި ގެދޮރު ގެއްލި މަގުމަތި ވެފައިވާ ރައްޔިތުންނަށް ހިޔާވަހި ކަމާއި ރައްކާތެރިކަން ފޯރުކޮށްދިނުމަށްޓަކައި އެންމެ ބޮޑަށް ބޭނުން ވެފައިވަނީ ފައިސާގެ އެހީއަށް ކަމުގައި ތުރުކީގެ ރައީސް އުރުދުޣާން ވިދާޅުވެއްޖެއެވެ.