ސްރީލަންކާއަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމުގެ މަޤާމަށް މ.މަނާގެ, ޢަލީ ފާއިޒު އައްޔަން ކުރައްވައި ފަތްކޮޅު ދެއްވައިފިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ ލަންކާއަށް ރާއްޖެއިން ކަނޑައަޅުއްވާފައި ހުންނަވާ ސަފީރުކަމުގެ މަޤާމަށް ފާއިޒު ޢައްޔަންކުރައްވައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު އެމަނިކުފާނަށް މަޤާމުގެ ފަތްކޮޅު ދެއްވާފައިވާ ކަމަށެވެ.
ފާއިޒް އަދާކުރެއްވި މަޤާމުތަކުގެ ތެރޭގައި ބ.އަތޮޅުގެ ޚާއްސަ މަޖިލީހުގެ މެންބަރުކަމާއި ފޮރިން މިނިސްޓްރީގެ ޗީފް އޮފް ޕްރޮޓޮކޯލްގެ މަޤާމު ހިމެނެއެވެ.
މީގެއިތުރުން މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑުގެ މެނޭޖިންގ ޑިރެކްޓަރުކަމުގެ މަޤާމާއި ފޮރިން މިނިސްޓްރީގެ ނައިބުކަމުގެ މަޤާމާއި, ޕޮލިސް ބޯޑުގައި މެންބަރުކަމުގެ މަޤާމު ވެސް ހިމެނެއެވެ.
