މާލެ ސަރަހައްދުގައި މާދަމާއިން ފެށިގެން ހަވީރު 4:00 އިން ފަތިހު 4:00 އަށް ބޭރަށް ނުކުތުން މަނާކޮށްފި އެވެ.
މީގެ ކުރިންވެސް މާލެ ސަރަހައްދުގައި ބަލި ފެތުރޭލެއް ގިނަ ކަމުން އެޗްޕީއޭއިން ވަނީ ހަރުކަށި ފިޔަވަޅު ތަކެއް އަޅާފައެވެ. އެގޮތުން އޮފީސްތަކާއި ސުކޫލްތައް އޮންލައިން ކޮށް ކިޔަވައިދޭ ގޮތައް ނިންމާ ރޭގަނޑު 9:00 ކުން ފަތިހު 4:00 ވަނީ މީހުން ބޭރުގައި އުޅުން މަނާކޮށްފައެވެ.
ރާއްޖެއިން ކޮންމެ ދުވަހަކުވެސް މިހާރު ކޮވިޑަށް ފައްސިވަމުންދާ މީހުންގެ އަދަދުތައް 500 އަށްވުރެ މައްޗަށް އަރަމުންދާއިރު، އެ ބަލީގައި ނިޔާވާ މީހުންގެ އަދަދުތައްވެސް ވަނީ އިތުރުވާން ފަށާފައެވެ.
މިކަންކަމާއި ގުޅިގެން މިއަދު އެޗްޕީއޭއިން ނެރުނު އެންގުމެއްގައި ވަނީ، ކޮވިޑް-19 އިން ރައްކާތެރިވުމަށް މާލެ ސަރަހައްދުގައި އިތުރު ފިޔަވަޅުތަކެއް އަޅަން ނިންމާފައިވާ ކަމަށެވެ. އެގޮތުން މާދަމާ އިން ފެށިގެން ހަފްތާއެއްގެ މުއްދަތަކަށް މާލެ ސަރަހައްދުގައި ހަވީރު 4:00 އިން ފަތިހު 4:00 އާއި ދެމެދު ބޭރަށް ނުކުމެ އުޅުން މަނާ ވާނެ ކަމަަށް އެ އެންގުމުގައި ބުނެފައި ވެއެވެ.
