ރާއްޖެއިން ކޯވިޑް19 އަށް އިތުރު 118 މީހަކު ފައްސިވެއްޖެއެވެ. އިއްޔެ ފެނުނު ކޭސްތަކުގެ ތެރެއިން 5 މީހަކު ފައްސިވެފައިވަނީ މީހުން ދިރިއުޅޭ ރަށަކުންނެވެ. އަދި ރިސޯޓްތަކުން 16 މީހަކާއި ސަފާރީ އަކުން 5 މީހުން ވަނީ ފައްސިވެފައެވެ. އަނެއް 92 ކޭސް ފެނިފައިވަނީ މާލެ ސަރަހައްދުންނެވެ.
އިއްޔެގެ ރެކޯޑްތަކާއި އެކު ފައްސިވީ މީހުންގެ ޖުމްލަ އަދަދު މިހާރުވަނީ 19,597އަށް އަރައިފައެވެ. އޭގެ ތެރޭގައި، 2,397 އެކްޓިވް ކޭސް ހިމެނޭއިރު، 170 ފަރާތަކަށް ދަނީ އެޑްމިޓް ކޮށްގެން ފަރުވާ ދެމުންނެވެ .
މިހާތަނަށް ރާއްޖެ އިން 61 މީހަކުވަނީ މި ބަލީގައި މަރުވެފައެވެ. އަދި 17,132މީހަކު ވަނީ މިބަލިން ރަނގަޅުވެފައެވެ.