އަދާލަތު ޕާޓީގެ ފޮރިން ރިލޭޝަންގެ ހެޑް އަދި ކުރީގެ ޖެންޑަރ މިނިސްޓަރު ޝިދާތާ ޝަރީފް ދިވެހި ފިލްމީތަރި އަޙްމަދު ޒިޔާއާއި ކައިވެނި ކުރެއްވުމަށް ލޯބީގެ ގޮތުން ގުޅިފައިވާކަން މީޑިއާއަށް ހާމަކުރެއްވީ މިދިޔަ ހަފްތާގައި ބޭއްވެވި އެންގޭޖްމަންޓް ޙަފުލާގައެވެ. މިއަދު ޒިޔާ ބުނިގޮތުގައި އެ ދެލޯބިވެރިންގެ ކައިވެނި އަންނަ މަހުގައި ކުރާގޮތަށް މިވަނީ ހަމަޖެހިނިމިފައެވެ. މިއީ އިންތިޒާރުގައި ހުރުން ދެން ނިމި ވަރަށް އުފާވެރި ދުވަހެކެވެ. ޒިޔާ ބުންޏެވެ.

ޒިޔާއާއި އާއި ކައިވެނިކުރަން ޝިދާތާ ރަންކިޔާފައިވަނީ ބުރާސްފަތި ދުވަހުގެރޭގައެވެ. ރޭ ޝިދާތާ ކުރެއްވި ކުރެއްވި ޕޯސްޓެއްގައި ވިދާޅުވީ މި ފަށްޓަވަނީ ދިރިއުޅުމުގެ އައު ދަތުރެެއް ކަމަށާާއި، މިއީ އައު ފެށުމެއްކަމަށެވެ. އަދި ހިތް އުފަލުން ފުރިފައިވާކަމަށާއި އިތުރަށް ސިޔާސީގޮތުންވެސް ކުރިއެރުންތަކެއް ލިބޭނެކަމުގެ އުންމީދުވެސް ބޮޑުކަމުގައި ވެސް ޝިދާތާ ވިދާޅުވިއެވެ. އެ އިޝާރާތް ކުރެއްވީ ފިލްމީތަރި ޒިޔާގެ މަޝްހޫރުކަމުން އިންޑައިރެކްޓްލީ ލިބިދާނެ މަޝްހޫރުކަމުގެ ވާހަކަ ކަމަށް ގަތް ފުރެންޑަކު ބުނެދިނެވެ.

މިކަމާއި ގުޅިގެން މީޑިއާގެ ބޭފުޅުންނާއި ވާހަކަދައްކަވަމުން ޒިޔާ ބުނީ މަސައްކަތްކުރައްވަމުން މި ގެންދަނީ އަންނަ ފެބްރުއަރީ މަހުގައި ކައިވެނި ކުރުމަށްކަމުގައެވެ. އެގޮތުން އެކަމަށްޓަކައި ތައްޔާރީތައްވަމުން ދެފަރާތުގެ ޢާއިލާއިން ވަމުންދަވާކަމަށް ވެސް ޒިޔާ ބުންޏެވެ.

ޒިޔާ ބުނީ ލޯބީގެ ގޮތުން ގުޅިފައިވާ ދެހިތެއް ސިޔާސީ ދެފިކުރަކަށް ވުމަކީ މައްސަލައެއް ނޫންކަމަށެވެ. އަދި ކުރިއަށް އޮތް ތަނުގައި ވެސް މަސައްކަތް ކުރައްވާނީ ދެ ފިކުރެއްގައިކަމަށް ވެސް ޒިޔާ ވަރަށް ކޮންފިޑެންސް އާއި އެކުބުންޏެވެ.

ޒިޔާއަކީ ޖުމްހޫރީ ޕާޓީގެ މީޑިއާ ކޯޑިނޭޓަރު ވެސްމެއެވެ. ޝިދާތާއަކީ މިހާރުވެސް ޢަދާލަތު ޕާޓީގެ ރައީސް ޝޭޚު އިމްރާނުގެ އެންމެ އިތުބާރުކުރައްވާ އަންހެން ލީޑަރުމެއެވެ.