މުދާ އުފުލާ ބޯޓެއް، ބަންޑުންޖަހާލައި، އޭގެން ދަތުރުކުރި 2 މީހަކު ގެއްލިގެން ހޯދަން ފަށައިފިއެވެ.
އެމްއެންޑީއެފުން މިއަދު އެކްސްގައި ކުރި ޕޯސްޓެއްގައި އެ ބޯޓުގެ ފޮޓޯ ހިއްސާކޮށް ބުނީ ބަންޑުން ޖަހާލާފައި ވަނީ ބަލްމާ – 6″ ނަމަކަށް ކިޔާ މުދާ އުފުލާ ބޯޓެއް ކަމަށެވެ.
އަދި އެ ބޯޓު ބަންޑުން ޖަހާލީ ތާޖް އެގްޒޯޓިކާ ރިޒޯޓު ކައިިރިއަށް ކަމަށާއި އޭރު އެ ބޯޓުން 4 މީހަކު ދަތުރުކުރި ކަމަށެވެ.
މިގޮތުން އޭގެތެރެއިން 2 މީހަކު އެސަރަހައްދުން ދަތުރުކުރި ދޯންޏަކަށް ނަގާފަވާ ކަމަށާއި ނަމަވެސް އަނެއް ދެ މީހުން ހޯދުމުގެ މަސައްކަތް އެމްއެންޑީއެފުން ކުރަމުން އަންނަ ކަމަށް ވަނީ ބުނެފައެވެ.
