ދުނިޔޭގެ މުހިންމު ސިޓީތަކުގެ ތެރޭގައި ހިމެނޭ ނިއުޔޯކް ސިޓީގެ މޭޔަރުކަމަށް ފުރަތަމަފަހަރަށް އިންތިޚާބުކުރެވުނު އެންމެ އުމުރުން ހަގު މުސްލިމް މޭޔަރު ޛަހުރާން މަމްދާނީ މޭޔަރުކަން ހޯއްދެވީ ޓްރަމްޕް އާއި ބިލިއަނަރު އެލަން މިސްކު އެމަނިކުފާނާއި ދެކޮޅަށް ފާޅުގައި ކުރި ކެމްޕޭން ކާމިޔާބު ކުރައްވައިގެން 10 ލައްކައަށްވުރެ ގިނަ ވޯޓު ހޯއްދަވައިގެނެވެ.

1 ޖެނުއަރީ ގައި ހުވާ ކުރެއްވުމަށް ފަހު އެމެރިކާގެ އެންމެ ބޮޑު ސިޓީންކުރެ އެއް ސިޓީގެ ޗީފް އެގްޒެކިޓިޔު އަކަށް އެމަނިކުފާން ވެވަޑައިގަންނަވާނެއެވެ. 85 ލައްކަ މީހުންގެ އިދާރީ ކަންކަން އިންތިޒާމު ކޮށް ބެލެހެއްޓުމަށް އެސިޓީގައި 100 އަށްވުރެ ގިނަ އިދާރާ ޤާއިމުކުރެވިފައި ވެއެވެ. އޭގެ ތެރެއިން 30 އިދާރާގެ ކަންކަން ބަލަހައްޓަވާނީ ޚުދު މޭޔަރެވެ. އެއިދާރާ ތަކުގެ ވެރިން އައްޔަނުކުރުމާއި ، ވަކިކުރުމުގެ އިޚްތިޔާރު މޭޔަރަށް އޮންނާނެއެވެ.

• ނިއުޔޯކް ސިޓީގެ ބަޖެޓް :
  އެ ސިޓީއަށް 120 އެރަބް ޑޮލަރު ގެ ބަޖެޓެއް ލިބިގެންވެއެވެ. އެއީ ދުނިޔޭގެ ގިނަ ޤައުމުތަކެއްގެ ބަޖެޓަށް ވުރެ ބޮޑު ބަޖެޓެކެވެ. ނިއުޔޯކް ސިޓީގެ އުފެއްދުންތެރިކަމުގެ މިންވަރަކީ 1.3 ޓްރިމިލިޔަން (1300އެރަބް )ޑޮލަރު ގެ މިންވަރެވެ . 10 ލައްކަ ކުދިން ސަރުކާރު ގެ ސްކޫލުތަކުގައި ކިޔަވައެވެ. ބައެއް ދުވަސްވަރު ކުރޯޑަކަށްވުރެ ގިނަ މީހުން އެސިޓީ ގައި ކުޅެއެވެ. ނިއުޔޯކް ގެ ފުލުހުންގެ ޑިޕާޓްމަންޓު(NYPD) ގައި 30 ހާހަށްވުރެ ގިނަ ފުލުހުން ހިމެނެއެވެ.
• ސިޓީގެ ކަންކަމަށް ބަޖެޓް ކަނޑައެޅުމުގެ އިޚްތިޔާރު މޭޔަރަށް ލިބިގެންވެއެވެ.
• ސިޓީގެ ޤާނޫނުތައް ހެދުމުގެ ބާރު:
  ސިޓީގެ ޤާނޫނުތައް ހެދުމުގެ ބާރު އޮންނަނީ ސިޓީ ކައުންސިލަށް ނަމަވެސް މޭޔަރަށް ތަސްދީޤުކުރުމާއި ވީޓޯ ކުރުމުގެ އިޚްތިޔާރު ލިބިދެއެވެ. ނަމަވެސް ސިޓީ ކައުންސިލުގެ 2/1 ބައި ވޯޓުން މޭޔަރުގެ ވީޓޯ ބާޠިލު ކުރެވިދާނެއެވެ.
• ސިޓީ ގެ އިދާރާތަކުގެ ވެރިން އަދި ފަނޑިޔާރުން އައްޔަންކުރުމުގެ އިޚްތިޔާރު:
  30 އިދާރާއަކަށް ވެރިން އައްޔަނުކުރުމަށް ވަކިކުރުމުގެ އިޚްތިޔާރު ، އޭގެތެރޭގައި ޕޮލިސް ޑިޕާޓްމަންޓް ، ޓްރަންޒެޓް އޮތޯރިޓީ، ވިޔަފާރި އިދާރާ، ޘަޤާފީ އިދާރާ ، 200 އަށްވުރެ ގިނަ ކުންފުނިތައް ، ހިމެނޭ ސިވިލިޔަން ކޮމްޕްލެން ނެޓް ބޯޑު ، ހައުސިން ޑިވެލޮޕްމަންޓް ކޯޕަރޭޝަން، ލޭންޑް މާރކް ޕްރެޒުރޭޝަން ކޮމިޝަން ހިމެނެއެވެ.
  އަދި ކުރިމިނަލްކޯޓު، ފެމިލީ ކޯޓު، ސިވިލްކޯޓަށް ފަނޑިޔާރުން ޢައްޔަނު ކުރުމުގެ އިޚްތިޔާރު ވެސް މޭޔަރަށް ލިބިގެންވެއެވެ.